تحریک انصاف کے سیکرٹری اطلاعات شیخ وقاص اکرم اشتہاری قرار

انسداد دہشت گردی عدالت کا فیصلہ

فیصل آباد (ڈیلی پاکستان آن لائن) انسداد دہشت گردی عدالت نے تحریک انصاف کے سیکرٹری اطلاعات شیخ وقاس اکرم کو اشتہاری قرار دے دیا۔

یہ بھی پڑھیں: امریکہ نے اسرائیل کو 51 کروڑ ڈالروں کے خطرناک بموں کی کٹس فروخت کردیں

عدالت کی کارروائی

عدالت نے ملزم کو متعدد بار طلبی کے باوجود پیش نہ ہونے پر اشتہاری قرار دیا۔ قبل ازیں عدالت نے شیخ وقاس اکرم کے وارنٹ گرفتاری بھی جاری کئے تھے، مگر وہ عدالت میں پیش نہیں ہوئے۔ عدالت نے شیخ وقاس اکرم کے ضمانتی مچلکے ضبط کرنے کا حکم بھی دیا۔

مقدمہ کی تفصیلات

رہنما تحریک انصاف شیخ وقاس اکرم پر تھانہ کوتوالی جھنگ میں اشتعال انگیز تقریر کرنے پر 7 اے ٹی اے سمیت دیگر دفعات کا مقدمہ درج ہے۔