کوئٹہ سمیت بلوچستان بھر میں پلاسٹک بیگز پر پابندی عائد

پلاسٹک بیگز پر پابندی

کوئٹہ (ڈیلی پاکستان آن لائن) صوبائی دارالحکومت سمیت بلوچستان بھر میں پلاسٹک بیگز پر پابندی عائد کردی گئی ہے۔

یہ بھی پڑھیں: 26 ویں آئینی ترمیم ، پی ٹی آئی نے اچانک یوٹرن کیوں لیا؟

صفا کوئٹہ اینٹی گریٹڈ سولڈ ویسٹ مینجمنٹ پروجیکٹ اجلاس

وزیر اعلیٰ بلوچستان سرفراز بگٹی کی زیر صدارت صفا کوئٹہ اینٹی گریٹڈ سولڈ ویسٹ مینجمنٹ پروجیکٹ کا اجلاس ہوا۔ صفائی ستھرائی و خوبصورتی سے متعلق اقدامات پر بریفنگ دی گئی، اور اس دوران بتایا گیا کہ کوئٹہ کے 84 وارڈز سے روزانہ ایک ہزار ٹن کچرا اٹھایا جارہا ہے۔ اب تک شہر سے 2 لاکھ 81 ہزار ٹن کچرا اٹھایا جاچکا ہے، جب کہ شہر کے 18 نالوں کی صفائی مکمل کی گئی ہے۔

وزیر اعلیٰ کا عزم

وزیر اعلیٰ بلوچستان نے صفا کوئٹہ اینٹی گریٹڈ سولڈ ویسٹ مینجمنٹ پروجیکٹ کو مزید مؤثر بنانے کی ہدایت کردی۔ انہوں نے کہا کہ پلاسٹک بیگز پر پابندی سے ماحول کو محفوظ اور شہر کو صاف بنانے میں مدد ملے گی، تاہم حکومت کے اقدامات کی کامیابی عوامی تعاون سے مشروط ہے۔ پلاسٹک بیگز کے متبادل ماحول دوست تھیلے استعمال کرنے کی ضرورت ہے۔ انہوں نے اس عزم کا اظہار کیا کہ بلوچستان کا دارالحکومت کوئٹہ ماحولیاتی بہتری کا ماڈل شہر بنے گا۔