واپس بھیجنے سے روکا جائے، پاکستانیوں سے شادی کرنے والی 3 افغان خواتین عدالت پہنچ گئیں۔

اسلام آباد (ڈیلی پاکستان آن لائن) پاکستانی شہریوں سے شادی شدہ 3 افغان خواتین نے افغانستان واپس بھجوانے سے روکنے کے لیے ہائی کورٹ سے رجوع کرلیا ہے۔

یہ بھی پڑھیں: کیا شیخ حسینہ بھارت سے دوبارہ بنگلہ دیش کی سیاست میں سرگرم ہو رہی ہیں؟

عدالت میں سماعت

جسٹس انعام امین منہاس نے 3 افغان خواتین کی درخواستوں پر سماعت کی، جو پاکستانی شہریوں سے شادی کے بعد یہاں مقیم ہیں۔ درخواست گزاروں کی جانب سے بیرسٹر عمر اعجاز گیلانی عدالت میں پیش ہوئے اور موقف اختیار کیا کہ پاکستانی شہریوں سے شادی کرنے والی غیرملکی خواتین شہریت کی حق دار ہیں۔

یہ بھی پڑھیں: مقتولہ ٹک ٹاکر ثنا یوسف کے پڑوسی نے ساری کہانی بتادی

بچوں کی پاکستانی شہریت

درخواست گزار خواتین کے بچے پاکستانی ہیں، ان کے ب فارم بنے ہوئے ہیں لیکن پاکستانی بچوں کی ماؤں اور پاکستانی شہریوں کی بیویوں کو ملک بدر کیا جا رہا ہے۔

کیس کی پیشرفت

وکیل نے عدالت کو بتایا کہ اسی نوعیت کا ایک کیس چیف جسٹس کی عدالت میں پہلے سے زیر سماعت ہے، یہ کیس بھی وہیں بھیج دیں۔ عدالت نے استدعا منظور کرتے ہوئے کیس کی فائل چیف جسٹس کو بھجوا دی۔