بارشوں سے تباہی اور قدرتی آفات نے حکومتی نااہلی کو بے نقاب کردیا ہے، امیرالعظیم

حکومتی نااہلی کی عکاسی

دادو/ٹھٹھہ( ڈیلی پاکستان آن لائن ) سیکرٹری جنرل جماعت اسلامی پاکستان امیرالعظیم نے کہا ہے کہ بارشوں سے تباہی اور قدرتی آفات نے حکومتی نااہلی کو بے نقاب کردیا ہے۔

یہ بھی پڑھیں: صرف دہلی میں سائیکل رکشاؤں کے مفلوک الحال مسلمان ڈائیوروں اور جامع مسجد کی خستہ حالی دیکھنے سے اندازہ کیا جا سکتا ہے کہ آزادی کتنی بڑی نعمت ہے

عوامی مسائل کی ترجیح

ہمیں نئے صوبے نہیں بلکہ بااختیار بلدیاتی نظام چاہیے۔ مہنگائی و بدامنی کا خاتمہ، صحت و تعلیم کی بہتر سہولیات، صاف پانی کی فراہمی، سڑکیں اور روزگار عوام کے بنیادی مسائل ہیں۔ اگر حکمران عوام کا معیار زندگی بہتر نہیں کر سکتے تو کم از کم اپنے شاہانہ اخراجات کم کریں۔

یہ بھی پڑھیں: سینیٹ نے گرفتار ، نظربند اور زیرحراست افراد سے تفتیش سے متعلق بل منظور کرلیا

قوم کی خودمختاری کی ضرورت

حکمران باتوں سے ماننے والے نہیں ہیں، اب قوم کو خود اٹھنا پڑے گا۔ تقسیم کرو لڑاؤ اور حکومت کرو، یہ حکمرانوں کا پرانا طریقہ واردات ہے۔ جماعت اسلامی غلبہ دین کی عالمگیر تحریک ہے جو گزشتہ 8 عشروں سے اللہ کی دھرتی پر اللہ کا نظام نافذ کرنے اور بندوں کو بندوں کی غلامی سے نکال کر صرف ایک اللہ کی بندگی اختیار کرنے کی جدوجہد کر رہی ہے۔

یہ بھی پڑھیں: اسلام آباد میں میٹرو اور الیکٹرک بسوں کے کرایوں میں 100 فیصد اضافہ کر دیا گیا

اجتماع کی تفصیلات

ان خیالات کا اظہار انہوں نے دادو اور ٹھٹھہ میں یوم تاسیس کے حوالے سے منعقدہ اجتماعات اور میڈیا کے نمائندوں سے بات چیت کے دوران کیا۔ اس موقع پر صوبائی ڈپٹی جنرل سیکرٹری الطاف احمد ملاح، امداداللہ بجارانی و دیگر مقامی رہنماؤں نے بھی خطاب کیا۔

مہنگائی و بے حسی کا مسئلہ

انہوں نے مزید کہا کہ بونیر سے کراچی تک بارشوں سے تباہی اور قدرتی آفات نے حکومتی نااہلی کو بے نقاب کردیا ہے۔ دوسری طرف عوام مہنگائی، بدامنی، اور بیروزگاری کا شکار ہیں، مگر بے حس حکومتی ٹولے کے کانوں پر جوں تک نہیں رینگتی۔ وہ ایک بار پھر نئے صوبوں کا شوشہ چھوڑ کر ملک و قوم کے اصل مسائل سے راہ فرار اختیار کرنا چاہتے ہیں۔