عالمی برادری کو اسرائیل کو جوابدہ ٹھہرانا ہوگا، پاکستان کی النصر ہسپتال پر حملوں کی شدید مذمت

پاکستان کی مذمت

اسلام آباد (ڈیلی پاکستان آن لائن) پاکستان نے غزہ کے علاقے خان یونس کے النصر ہسپتال پر اسرائیلی فضائی حملوں کی شدید الفاظ میں مذمت کی ہے۔

یہ بھی پڑھیں: یومِ تکبیر پاکستان کی فتح کا دن ہے، ہم ایٹمی طاقت ہیں: رانا محمد قاسم نون

بیان کا مضامین

دفتر خارجہ کی جانب سے جاری بیان میں اسرائیل کے شام پر حملے کی بھی شدید الفاظ میں مذمت کی گئی ہے۔

یہ بھی پڑھیں: اڈیالہ جیل کے باہر سے گرفتار ہونیوالے پی ٹی آئی رہنماؤں کو رہا کردیا گیا

ہسپتال پر حملے کی تفصیلات

’’جیو نیوز‘‘ کے مطابق ترجمان دفتر خارجہ کی جانب سے جاری بیان میں کہا گیا ہے کہ خان یونس کے النصر ہسپتال پر اسرائیلی فضائی حملوں میں 21 افراد شہید ہوئے، شہید ہونے والوں میں 5 صحافی اور ایک ریسکیو ورکرز شامل ہیں۔ ہسپتال پر حملہ انسانیت سوز اور سنگین جرم ہے۔ پاکستان النصر ہسپتال پر اسرائیلی فضائی حملوں کی شدید مذمت کرتا ہے۔ اسرائیل کے جرائم پر عالمی برادری کو صیہونی ریاست کو جوابدہ ٹھہرانا ہوگا۔

شام کی حمایت

ترجمان دفتر خارجہ نے شام کی خودمختاری، آزادی اور علاقائی سالمیت کی مکمل حمایت کا اعادہ کیا اور عالمی برادری سے مطالبہ کیا کہ اسرائیل کو خطے کے امن و استحکام کو نقصان پہنچانے والے اقدامات سے روکے۔