پورا یقین ہے قوم مشکلات کا مقابلہ حوصلے اور عزم کے ساتھ کرے گی،صدر مملکت

صدر آصف علی زرداری کا اظہار افسوس

اسلام آباد (ڈیلی پاکستان آن لائن) صدر آصف علی زرداری نے پنجاب، خیبر پختونخوا اور گلگت بلتستان میں سیلاب اور بارشوں سے ہونے والی تباہی پر گہرے دکھ اور افسوس کا اظہار کیا۔ انہوں نے جاں بحق افراد کے اہل خانہ سے دلی تعزیت اور ہمدردی کا پیغام دیا۔

یہ بھی پڑھیں: عدالت نے 20 سالہ لڑکی کو زیادتی کا نشانہ بنانے والے شخص کو انتہائی سخت سزا سنا دی

سیلاب متاثرین کے ساتھ یکجہتی

ایکسپریس نیوز کے مطابق، صدر مملکت نے سیلاب متاثرین کے ساتھ مکمل یکجہتی کا اظہار کرتے ہوئے کہا کہ سیلاب اور ریلوں کے باعث جانی و مالی نقصان کے شکار خاندانوں کے ساتھ ہیں۔ انہوں نے کسانوں کی فصلوں اور مویشیوں کے بڑے پیمانے پر نقصان پر گہری ہمدردی کا بھی اظہار کیا۔

یہ بھی پڑھیں: پاکستان نے زمبابوے کو شکست دے کر سریز اپنے نام کر لی

مسلح افواج اور ریسکیو اداروں کی خدمات

صدر نے مسلح افواج اور ریسکیو اداروں کی بہادری اور خدمات کو خراجِ تحسین پیش کرتے ہوئے کہا کہ آزمائش کی اس گھڑی میں افواجِ پاکستان نے عوام کی خدمت کی شاندار مثال قائم کی ہے۔

یہ بھی پڑھیں: بابر تیری ٹی20 وچ جگہ نہیں بنتی

پاکستانی قوم کا عزم

انہوں نے یقین دلایا کہ پاکستانی قوم مشکلات کا سامنا حوصلے اور عزم کے ساتھ کرے گی، جیسا کہ 2010 اور 2022 کے سیلابوں میں کیا گیا۔ اس بار بھی قوم سرخرو ہوگی۔

حفاظتی اقدامات کی ہدایت

صدر مملکت نے سندھ حکومت کو ممکنہ سیلابی خطرے کے پیش نظر پہلے سے حفاظتی اقدامات کرنے کی ہدایت دی ہے۔