مون سون بارشیں اور سیلاب، اقوام متحدہ نے پاکستان کے لیے ہنگامی امداد جاری کردی۔

اقوام متحدہ کی جانب سے امداد کا اعلان

نیو یارک (مانیٹرنگ ڈیسک) مون سون بارشوں اور سیلاب سے ہونے والی تباہ کاریوں پر اقوام متحدہ نے پاکستان کے لئے ہنگامی امداد جاری کردی۔ اقوام متحدہ نے پاکستان کے لئے 6 لاکھ امریکی ڈالر کی ہنگامی امداد فراہم کی ہے۔

یہ بھی پڑھیں: پاکستان میں گدھوں کی افزائش بڑھانے کے لیے چینی کمپنی نے سرمایہ کاری پر آمادگی ظاہر کر دی

تفصیلات

’’جیو نیوز‘‘ کے مطابق، اقوام متحدہ کے سیکرٹری جنرل کے ترجمان نے نیویارک میں میڈیا سے گفتگو کرتے ہوئے بتایا کہ اقوام متحدہ ہنگامی امدادی فنڈ سے پاکستان کے سیلاب متاثرین کے لئے 6 لاکھ امریکی ڈالر کی امداد جاری کی گئی ہے۔

یہ بھی پڑھیں: ای ٹیکسی کے فنانشل ماڈل کی اصولی منظوری، جناح ٹرمینل تا ہربنس پورہ ییلو لائن پراجیکٹ پر جلد کام شروع کرنے کا حکم

نقصانات کا جائزہ

پاکستان میں گزشتہ 10 روز میں بارشوں اور سیلاب کے نتیجے میں 400 افراد جاں بحق اور 190 سے زائد زخمی ہوئے ہیں جبکہ 20 ہزار سے زائد افراد بے گھر ہوئے ہیں۔ سیلاب متاثرین کو پناہ گاہوں، طبی امداد کے لئے نقد معاونت کی فوری ضرورت ہے۔ حفظان صحت کے سامان اور پینے کے صاف پانی کی اشد ضرورت ہے، خاص طور پر خواتین اور بچیوں کے تحفظ کے اقدامات میں بہتری کی ضرورت ہے۔

مزید معلومات

ترجمان نے مزید بتایا کہ پاکستان میں 26 جون سے جاری مون سون بارشوں اور سیلاب سے شدید تباہ کاریاں ہوئی ہیں۔ مقامی حکام کے مطابق اب تک 798 افراد جاں بحق اور ایک ہزار سے زائد زخمی ہوئے ہیں۔