سیالکوٹ میں سیلابی صورتحال کے باعث تعلیمی ادارے بند رہیں گے

سیالکوٹ میں تعلیمی ادارے بند

سیالکوٹ(ڈیلی پاکستان آن لائن) سیالکوٹ میں سیلابی صورتحال کے باعث تمام تعلیمی ادارے آج بند رہیں گے۔

یہ بھی پڑھیں: وزیراعلیٰ پنجاب کا طوفانی بارشوں کے باعث قیمتی انسانی جانوں کے ضیاع پر اظہار افسوس

نوٹیفکیشن کی تفصیلات

نجی ٹی وی سما نیوز کے مطابق دفتر ڈپٹی کمشنر کی طرف سے جاری نوٹیفکیشن کے مطابق ضلع سیالکوٹ کی حدود میں تمام سرکاری و پرائیویٹ تعلیمی ادارے آج بند رہے گے۔ تعلیمی ادارے ضلع بھر میں شدید بارش اور فلڈ کے پیش نظر بند کئے گئے۔

یہ بھی پڑھیں: امریکا کا بی ایل اے اور مجید بریگیڈ کو دہشت گرد قرار دینے کا کریڈٹ فیلڈ مارشل اور حکومت کا ہے، بگٹی

فلائٹ آپریشن میں معطلی

دوسری جانب سیلابی صورتحال کےباعث سیالکوٹ ایئرپورٹ پر فلائٹ آپریشن آج صبح 10 سے رات 10 بجے تک معطل کردیا گیا۔ انٹرنیشنل ایئرپورٹ فلائٹ آپریشن معطلی کا باقاعدہ نوٹم جاری کردیا گیا۔

ایئرپورٹ کی صورتحال

سیلابی پانی کا جنوبی اطراف سے ایئرپورٹ کی جانب رخ ہوگیا، انتظامیہ کی تمام افرادی قوت اور مشینری متحرک ہے، سیلابی پانی کے بروقت اخراج کو یقینی بنایا جارہا ہے۔ ایئرپورٹ پر نصب تمام تر آلات مکمل محفوظ ہیں۔ ایئرپورٹ ٹرمینل بلڈنگ پارکنگ، رن وے سمیت زیادہ تر مرکزی حصہ محفوظ ہے۔