اقوام متحدہ کا پاکستان کے سیلاب متاثرین کے لیے ہنگامی امداد کا اعلان

امدادی اقدامات

نیویارک(ڈیلی پاکستان آن لائن) اقوام متحدہ نے پاکستان میں حالیہ مون سون بارشوں اور تباہ کن سیلاب کے نتیجے میں متاثرہ افراد کی فوری مدد کیلئے ہنگامی اقدام اٹھاتے ہوئے 6 لاکھ ڈالر کی امداد جاری کر دی ہے۔

یہ بھی پڑھیں: عمران خان کو ذاتی معالجین سے علاج کی اجازت دینا کوئی رعایت یا خصوصی سہولت نہیں بلکہ بنیادی اور آئینی حق ہے، چودھری سرور

یو این کا بیان

سیکرٹری جنرل یو این کے ترجمان اسٹیفن دوجارک نے نیویارک میں صحافیوں سے گفتگو کرتے ہوئے کہا کہ اقوام متحدہ نے ہنگامی امدادی فنڈ سے سیلاب متاثرین کیلئے امداد جاری کی ہے۔

یہ بھی پڑھیں: جنگ کو کھیل سے جوڑنا مایوسی کی علامت ہے: محسن نقوی کا مودی کو جواب

حالیہ نقصانات

ترجمان کے مطابق پاکستان میں گزشتہ 10 روز کے دوران شدید بارشوں اور سیلاب کے باعث 400 سے زائد افراد جان کی بازی ہار چکے ہیں جبکہ 190 سے زائد زخمی ہوئے ہیں، 20 ہزار سے زائد افراد بے گھر ہو چکے اور انہیں پناہ گاہوں، طبی امداد اور نقد معاونت کی ضرورت ہے۔

یہ بھی پڑھیں: ایئر کارگو چارجز میں اضافہ، ایکسپورٹرز کا اظہار تشویش، ڈی جی پاکستان ایئرپورٹ اتھارٹی کو خط

سنگین صورتحال

ترجمان نے کہا کہ 26 جون سے جاری مون سون بارشوں اور سیلاب نے پاکستان میں بڑے پیمانے پر تباہی مچائی ہے اور صورتحال سنگین ہے۔

یہ بھی پڑھیں: ہائر ایجوکیشن کمیشن نے بلوچستان کے طالب علموں کے لیے اسکالرشپ کا اعلان کردیا

ہلاکتوں کی تعداد

مقامی حکام کے مطابق مجموعی طور پر تباہ کن سیلاب اور لینڈ سلائیڈنگ کے باعث 798 افراد جاں بحق اور ایک ہزار سے زائد افراد زخمی ہوئے ہیں جن میں خواتین اور بچے بھی شامل ہیں۔

یہ بھی پڑھیں: ایرانی ڈرون حملے میں مارے جانیوالے 6 امریکی فوجیوں کی میتیں امریکہ منتقل کر دی گئیں

عالمی برادری کی اپیل

اقوام متحدہ نے عالمی برادری پر زور دیا ہے کہ وہ پاکستان کے ساتھ یکجہتی کا مظاہرہ کرے اور سیلاب متاثرین کی مدد کے لئے آگے بڑھے۔

امدادی کارروائیاں

ترجمان کا کہنا تھا کہ یو این ایجنسیز، مقامی حکام اور شراکت دار اداروں کے ساتھ مل کر امدادی کارروائیاں جاری رکھے ہوئے ہیں تاکہ متاثرہ افراد کو فوری ریلیف فراہم کیا جا سکے۔