خیبرپختونخوا پولیس کا ٹک ٹاکرز کیخلاف کریک ڈاؤن، گرفتاری و مقدمات درج

پولیس کا ٹک ٹاکرز کے خلاف کریک ڈاؤن

پشاور(ڈیلی پاکستان آن لائن) خیبرپختونخوا میں پولیس نے ٹک ٹاکرز کے خلاف کریک ڈاؤن شروع کر دیا۔ مردان میں 6 ٹک ٹاکرز کے خلاف غیر اخلاقی مواد، فحش زبان اور گالم گلوچ پر مقدمات درج کیے جا چکے ہیں جبکہ ایک ملزم کو گرفتار کر لیا گیا ہے۔

یہ بھی پڑھیں: دولہے کے ساتھ انوکھا فراڈ، دلہن کی جگہ ساس سے شادی کرا دی گئی

حکام کا مؤقف

تفصیل کے مطابق حکام کا موقف ہے کہ گرفتار ٹک ٹاکر سوشل میڈیا پر اخلاقیات کی خلاف ورزی اور معاشرتی بگاڑ کا باعث بن رہا تھا، اور مقدمات کے اندراج کے بعد گرفتاری کے لیے چھاپے مارے جا رہے ہیں۔

پولیس کی کارروائی

پولیس کا کہنا ہے کہ سوشل میڈیا پر فحش زبان، گالی گلوچ، اور غیر اخلاقی گفتگو کو ہرگز برداشت نہیں کیا جائے گا، اور ایسی سرگرمیوں میں ملوث افراد کے خلاف سخت قانونی کارروائی عمل میں لائی جائے گی۔