سیالکوٹ میں سیلاب سے ایئر پورٹ بھی زیر آب آ گیا، فلائٹ آپریشن معطل

سیالکوٹ میں سیلاب کی صورتحال

سیالکوٹ (ڈیلی پاکستان آن لائن) سیلاب کی شدت سے شہر کا ایئر پورٹ بھی زیر آب آ گیا ہے۔ سیالکوٹ انٹرنیشنل ایئرپورٹ پر فلائٹ آپریشن رات 10 بجے تک معطل کردیا گیا، جس کا نوٹم جاری کر دیا گیا ہے۔

یہ بھی پڑھیں: برطانیہ کی تاریخ میں سب سے طویل غلط سزا کاٹنے والے زندہ قیدی کو بے گناہ قرار دے دیا گیا۔

امدادی کارروائیاں

ترجمان کے مطابق پانی کے اخراج کے لیے افرادی قوت اور مشینری متحرک کی گئی ہے۔ ڈی واٹرنگ پمپس سمیت تمام وسائل بروئے کار لائے جا رہے ہیں، ایئر پورٹ پر نصب تمام آلات مکمل طور پر محفوظ ہیں۔

یہ بھی پڑھیں: موجودہ ہزیانی جنگی تعطل سے کیسے نکلا جائے؟

پنجاب کے دریاؤں میں سیلاب

خیال رہے کہ پنجاب کے دریاؤں راوی، چناب اور ستلج میں بڑے سیلابی ریلے آئے ہیں۔ راوی میں شاہدرہ پر انتہائی اونچے درجے کا سیلاب آیا، جبکہ مجھتر میں پانی کا دباؤ کم ہونے لگا ہے۔

یہ بھی پڑھیں: بھارت دنیا میں تنہا رہ گیا، مودی استعفیٰ دے

نقل مکانی کے حالات

قصور، سیالکوٹ، نارووال، عارف والا، حافظ آباد، کمالیہ، پھول نگر، کوٹ مومن، منڈی بہاؤالدین، تاندلیانوالہ، بہاولنگر، وہاڑی اور پاکپتن میں دریا کے کنارے دیہات زیر آب آگئے ہیں، جس کے نتیجے میں شہریوں نے بڑے پیمانے پر نقل مکانی کی۔

ریسکیو کی کارروائیاں جاری

ریسکیو حکام، مقامی رضاکاروں، پاک فوج اور پاکستان رینجرز کی امدادی کارروائیاں جاری ہیں۔