ارجنٹینا کے صدر پر انتخابی مہم کے دوران شہریوں کا پتھراؤ، 2افراد زخمی

اجنٹینا کے صدر جیویئر میلائی پر پتھراؤ

بیونس آئرس (ڈیلی پاکستان آن لائن) اجنٹینا کے صدر جیوئیر میلائی کی انتخابی مہم کے دوران دارالحکومت بیونس آئرس میں شہریوں نے پتھراؤ کیا، جس کا الزام اپوزیشن پر عائد کیا گیا۔

یہ بھی پڑھیں: حمزہ شہباز کو چیئرمین پبلک افیئرز یونٹ برائے وزیراعظم تعینات کئے جانے کا امکان

واقعہ کی تفصیلات

غیرملکی خبر ایجنسی رائٹرز کے مطابق، صدر جیویئر میلائی پر 7 ستمبر کو شیڈول لوکل الیکشنز کی مہم کے دوران مظاہرین نے پتھراؤ کیا؛ تاہم وہ محفوظ رہے۔ جیویئر میلائی لوماس ڈی زومارا کے علاقے میں اپنے حامیوں سے گاڑی کی چھت پر خطاب کر رہے تھے کہ اسی دوران مظاہرین کے ایک گروپ نے صدر پر پتھراؤ کیا۔ سیکیورٹی فوراً متحرک ہوئی اور صدر جیویئر میلائی کو فوری طور پر مذکورہ گاڑی سے اتار کر آرمڈ کار میں منتقل کیا گیا۔ حالانکہ، واقعے کے نتیجے میں 2 شہری زخمی ہوئے۔

یہ بھی پڑھیں: لاہور سموگ: موٹر سائیکلوں کے سٹینڈ بند، چنگ چی رکشوں پر بھی پابندی عائد

حملے کا الزام

صدارتی ترجمان مینوئل ایڈورنی نے بتایا کہ صدر کے ساتھ سفر کرنے والے ارکان میں سے کسی کو نقصان نہیں پہنچا، لیکن حملے کا الزام اپوزیشن پارٹی پیرونسٹ پر عائد کیا۔ حکومت نے ردعمل دیتے ہوئے کہا کہ یہ حملہ سابق صدر کرسٹینا فرنانڈز سے منسلک سیاسی گروپ نے کیا ہے۔

بلدیاتی انتخابات کی اہمیت

خیال رہے کہ صوبہ بیونس آئرس میں 7 ستمبر کو ہونے والے بلدیاتی انتخابات صدر جیویئر کے لیے امتحان کی حیثیت رکھتے ہیں۔ سیاسی تجزیہ کاروں کے مطابق، ارجنٹینا کے گنجان ترین صوبہ بیونس آئرس میں بلدیاتی انتخابات کے نتائج مقامی اور قومی سطح کی سیاست پر اثر انداز ہوں گے، جہاں حکمران جماعت لبریٹاڈ ایوانزا کا مقابلہ اپوزیشن جماعت پیرونسٹ سے ہے۔