وزیراعظم کا انٹرنیٹ انفراسٹرکچر پر رائٹ آف وے فیس ختم کرنے کا اعلان

وزیراعظم کا اعلان

اسلام آباد(ڈیلی پاکستان آن لائن) وزیراعظم شہباز شریف نے انٹرنیٹ اور ٹیلی کام نیٹ ورکس کی تنصیب پر عائد رائٹ آف وے فیس ختم کرنے کا اعلان کر دیا۔

یہ بھی پڑھیں: بھارت کے دفاعی تجزیہ کار نے بھی پاکستان کی کامیابیوں کا اعتراف کر لیا

رائٹ آف وے فیس کا خاتمہ

وزیراعظم شہباز شریف کی ہدایت اور وزارتِ آئی ٹی کے نیشنل فائیبرائزیشن پلان کے تحت رائٹ آف وے فیس ختم کردی گئی ہے۔ وزارتِ انفارمیشن ٹیکنالوجی کی شازہ فاطمہ خواجہ کا کہنا ہے کہ یہ اقدام ڈیجیٹل پاکستان کے وژن کی جانب ایک انقلابی قدم ہے، جس سے سرمایہ کاروں اور ٹیلی کام کمپنیوں کے اخراجات نمایاں حد تک کم ہوں گے۔ قومی شاہراہ اتھارٹی (این ایچ اے)، پاکستان ریلوے، اور کیپٹل ڈویلپمنٹ اتھارٹی (سی ڈ ی اے) نے پالیسی پر عملدرآمد کیلئے باقاعدہ نوٹیفکیشن جاری کر دیئے ہیں۔

یہ بھی پڑھیں: تحریک انصاف کے 432 کارکن لاہور میں دفعہ 144 کی خلاف ورزی پر گرفتار

پرانی فیس کا موازنہ

شزہ فاطمہ خواجہ نے کہا کہ پہلے پاکستان میں سرکاری زمین پر 36 روپے فی میٹر اور پرائیویٹ ہائوسنگ سوسائٹیز میں 200 سے 400 روپے فی میٹر تک وصول کیا جاتا تھا۔ وفاقی وزیر آئی ٹی نے کہا کہ پڑوسی ملکوں میں یہ فیس صرف 1 روپے فی میٹر ہے، اسی وجہ سے پاکستان کو کاروباری مواقع کے لحاظ سے فرینڈلی کنٹری نہیں سمجھا جاتا۔

مفادات اور فوائد

اس منصوبے کے تحت نہ صرف بڑے شہروں بلکہ دیہی علاقوں میں انٹرنیٹ تک رسائی بہتر ہوگی، طلبہ کو معیاری آن لائن تعلیم تک رسائی حاصل ہوگی، ٹیکنالوجی انڈسٹری کو فروغ ملے گا، برآمدات میں اضافہ اور غیر آئی ٹی بزنس بھی جدید انفراسٹرکچر سے مستفید ہو سکیں گے.