وزیراعلیٰ مریم نواز سے ایشین ڈویلپمنٹ بینک کے صدر ماساتو کانڈا کی قیادت میں وفد کی ملاقات

لاہور (ڈیلی پاکستان آن لائن) وزیراعلیٰ پنجاب مریم نواز سے ایشین ڈویلپمنٹ بینک کے صدر ماساتو کانڈا کی قیادت میں وفد نے ملاقات کی۔ اے ڈی بی کے 8 رکنی وفد میں چیف ایڈوائزر کیئیچیرو انوئی، سینئر ایڈوائزر جان جوہون جیونگ، ایگزیکٹو ڈائریکٹر نوراحمد، ڈائریکٹر جنرل لیا سی گوتیرز، کنٹری ڈائریکٹر ایمافین، اور ڈی ڈی جی کیتھی مارش شامل تھے۔ وزیراعلیٰ مریم نواز نے ایشین ڈویلپمنٹ بینک کے وفد کا خیر مقدم کیا اور خوش آمدید کہا۔ ملاقات میں پنجاب کی ڈویلپمنٹ سے متعلق امور پر گفتگو ہوئی۔

وزیراعلیٰ نے پنجاب کے ترقیاتی منصوبوں میں ایشین ڈویلپمنٹ بینک کی معاونت کو قابل قدر قرار دیا۔ پنجاب میں موسمیاتی موافقت کے اقدامات کی ضرورت پر زور دیا گیا۔ شہری اور دیہی انفراسٹرکچر کو موسمیاتی تبدیلی کے اثرات سے بچانے پر بات چیت ہوئی۔ وزیراعلیٰ نے اے ڈی بی کے ساتھ ٹرانسفارمیٹو موبیلیٹی اور کلین انرجی منصوبوں پر دلچسپی کا اظہار کیا۔ وزیراعلیٰ پنجاب نے ایشیائی ترقیاتی بینک کے صدر کو پاکستان کے پہلے دورے پر خوش آمدید کہا۔ وزیراعلیٰ مریم نواز نے جاپانی اداروں جیٹرو، جائیکا اور میٹی کے ساتھ ورکنگ ریلیشنز کا ذکر کیا۔ پنجاب اے ڈی بی کی نئی کنٹری پارٹنرشپ اسٹریٹجی 2026-2035ء کو اہم قرار دیتا ہے۔

وزیراعلیٰ مریم نواز نے کہا کہ پنجاب کی ترجیحات اے ڈی بی کے اہداف سے ہم آہنگ ہیں۔ وزیراعلیٰ نے ماضی میں اے ڈی بی کے تعاون پر شکریہ ادا کیا ہے۔ اے ڈی پی کے کلین انرجی پروگرام سے کمیونٹیز نے استفادہ کیا ہے۔ زرعی شعبے میں خواتین کی شمولیت بڑھانے میں اے ڈی بی کا کردار اہم رہا ہے۔ پنجاب آبادی اور معیشت کے لحاظ سے پاکستان کا سب سے اہم صوبہ ہے۔ انہوں نے کہا کہ پنجاب موسمیاتی تبدیلی کے خلاف قومی جدوجہد کا مرکز ہے۔ وزیراعلیٰ نے Access to Clean Energy Investment Program کے لئے اے ڈی بی کے تعاون کو سراہا۔

وزیر اعلیٰ نے کہا کہ اے ڈی بی کے تعاون سے فلڈ رسک مینجمنٹ سسٹم مزید مضبوط بنانا چاہتے ہیں۔ پنجاب کلائمیٹ آبزرویٹری کے قیام کے لئے اے ڈی بی کی معاونت قابل تحسین ہے۔ پنجاب کلائمیٹ آبزرویٹری پاکستان کا پہلا صوبائی کلائمیٹ ڈیٹا سینٹر ہوگا۔ پنجاب کلائمیٹ آبزرویٹری موسمیاتی منصوبہ بندی اور گرین انفراسٹرکچر کی رہنمائی کرے گا۔ پنجاب میں سرکاری خدمات کی ڈیجیٹل ٹرانسفارمیشن اور سمال اینڈ میڈیم انٹرپرائزز کی برآمدی صلاحیتوں کو فروغ دینے پر بھی غور کیا گیا ہے۔

اے ڈی بی کے مالیاتی تعاون پر وزیراعلیٰ مریم نواز نے شکریہ ادا کیا ہے۔ انہوں نے کہا کہ پنجاب جنوبی ایشیا کا ماحول دوست ترقی اور پائیدار جدید ٹرانسپورٹ کا ماڈل صوبہ بنے گا۔ اے ڈی بی کے تعاون سے عوام کیلئے خوشحال اور محفوظ مستقبل کے لئے پرعزم ہیں۔ حکومت پنجاب ایشین ترقیاتی بینک کے ساتھ دیرینہ شراکت داری کا اعادہ کرتی ہے۔ اے ڈی بی معاونت سے پنجاب کی جامع ترقی چاہتے ہیں۔