ذاتی تشہیر کی بھوکی ٹک ٹاکر وزیراعلیٰ میں کوئی شرم و حیا نہیں، پی ٹی آئی کی مریم نواز پر کڑی تنقید

پی ٹی آئی کی مریم نواز پر تنقید

لاہور(ڈیلی پاکستان آن لائن) پی ٹی آئی نے وزیراعلیٰ پنجاب مریم نواز کو ایک بار پھر کڑی تنقید کا نشانہ بناتے ہوئے کہا ہے کہ ذاتی تشہیر کی بھوکی اس ٹک ٹاکر وزیراعلیٰ میں نہ کوئی شرم و حیا ہے اور نہ احساس ہے، اس لئے سیلاب متاثرین کی امداد کیلئے پہلی شرط راشن بیگ پر ’’تھیف منسٹر‘‘ کا چہرہ چھپا ہونا چاہیے۔

یہ بھی پڑھیں: عید قربانی کا نام

سیلاب متاثرین کی امداد کی صورتحال

سوشل میڈیا پلیٹ فارم ’’ایکس‘‘ پر پی ٹی آئی کے آفیشل اکاؤنٹ سے جاری بیان میں کہا گیا ہے کہ ایک طرف سیلاب متاثرین کے نام پر امداد اکٹھی کی جارہی تو دوسری طرف ذاتی تشہیر کیلئے کروڑوں روپے لگا کر مریم نواز کی تصاویر والے ڈبے چھپوائے جارہے، تاریخ میں ایسا گھٹیا پن نہیں دیکھا۔

یہ بھی پڑھیں: 404 Not Found

حکومت کی ناکامی

پی ٹی آئی کا کہنا ہے کہ جعلی پنجاب حکومت کی وزیراعلیٰ اور منسٹرز ٹک ٹاک ویڈیوز بنانے کی حد تک کام کرتے نظر آرہے ہیں، عملًا صوبہ بھر میں حکومتی سطح پر سیلاب متاثرین کی امداد کے حوالے سے کوئی کارکردگی نظر نہیں آرہی۔ ہیڈ سندھانی میں سیلاب متاثرین کھلے آسمان تلے بے یار و مددگار رہنے پر مجبور ہیں، تاحال ان تک ان کے رہنے کیلئے خیمہ بستی قائم کی گئی نہ راشن، نہ ادویات اور نہ ہی کوئی امداد پہنچی۔

رائیونڈ کی صورتحال

پی ٹی آئی کا کہنا ہے کہ رائیونڈ میں ایک (ن) لیگی رہنما مائی وڈیری سیلاب متاثرین میں چائے کا کپ اور ایک ایک رس تقسیم کررہی ہیں۔ سیاست کرنی ہے چاہے ایک رس ہو یا چائے کا کپ ہو اور یہاں سیلاب متاثرین کا رش دیکھیں، بے چارے ایک رس کیلئے بے چین ہیں۔ یہ رائیونڈ لاہور کے مناظر ہیں اس سے اندازہ لگایا جا سکتا ہے دور دراز دیہی علاقوں میں بھوک کا کیا حال ہوگا اور کتنی امداد پہنچائی جارہی ہوگی۔