302 این جی اوز کی ریلیف سرگرمیاں جاری

پنجاب میں سیلاب متاثرین کی امداد

لاہور (ڈیلی پاکستان آن لائن) وزیراعلیٰ پنجاب مریم نواز کی ہدایت پر صوبائی وزیر سوشل ویلفیئر سہیل شوکت بٹ کی قیادت میں سوشل ویلفیئر کے ساتھ رجسٹرڈ 302 این جی اوز نے صرف ایک دن میں سیلاب متاثرین کے لئے بڑے پیمانے پر ریلیف سرگرمیاں سرانجام دیں۔

یہ بھی پڑھیں: بھارت کے سپر سٹار رجنی کانت کی بیٹی کو طلاق ہو گئی

سیلاب زدگان کو فراہم کردہ امداد

صوبائی وزیر سہیل شوکت بٹ کے مطابق 31 اگست کو صوبے بھر میں 210 این جی اوز نے سیلاب زدگان کو راشن، علاج اور دیگر سہولیات فراہم کیں۔

یہ بھی پڑھیں: مولانا فضل الرحمان کی تحریکِ انصاف کے وفد سے ملاقات، قومی جرگہ اور اپوزیشن اتحاد کے بارے میں مشاورت

ریلیف کی تفصیلات

فیصل آباد ڈویژن میں 6363 راشن بیگز تقسیم ہوئے اور 150 مریضوں کا علاج کیا گیا۔ گوجرانوالہ ڈویژن میں 12762 راشن بیگز اور 700 کپڑوں کے جوڑے مستحقین تک پہنچائے گئے۔ ملتان ڈویژن میں 735 راشن بیگز تقسیم ہوئے جبکہ 405 مریضوں کا علاج کیا گیا۔ ساہیوال ڈویژن میں 9 متاثرہ گھروں کی بحالی کے لئے فی گھر 1 لاکھ 75 ہزار روپے کی مالی امداد دی गई۔ لاہور ڈویژن میں ایک ہی دن میں 5592 راشن بیگز تقسیم ہوئے اور 245 مریضوں کو علاج کی سہولت فراہم کی گئی۔

یہ بھی پڑھیں: پنجاب کابینہ میں 5335 ارب روپے کا بجٹ منظور، تنخواہوں میں 10 فیصد اضافہ

مزید امدادی سرگرمیاں

پنجاب بھر میں 9132 راشن بیگز، 52 کارٹنز ادویات فراہم کیے گئے جبکہ 395 مریضوں کا علاج ہوا۔ اس کے ساتھ ساتھ رجسٹرڈ این جی اوز نے خیبرپختونخوا کے زلزلہ متاثرین کو بھی 10 ہزار فکس ریٹ کے مطابق امدادی رقوم فراہم کیں۔