اگلے 24 سے 48 گھنٹے بہت اہم ہیں: عظمیٰ بخاری

سیلاب کی شدت اور ماہرین کی تشخیص

لاہور (ڈیلی پاکستان آن لائن) وزیرِ اطلاعات پنجاب عظمیٰ بخاری نے کہا ہے کہ موجودہ سیلاب کو ماہرین نے سپر فلڈ قرار دیا ہے، اگلے 24 سے 48 گھنٹے بہت اہم ہیں۔

یہ بھی پڑھیں: اسرائیل کا غزہ کے لیے امداد لے جانے والی کشتی پر ڈرون حملے کے بعد قبضہ

بھارت کی جانب سے پانی چھوڑنے کا اثر

وزیر اطلاعات عظمیٰ نے پریس کانفرنس کے دوران کہا کہ بھارت کی جانب سے پانی چھوڑے جانے سے غیر معمولی صورتحال پیدا ہوئی۔ دریائے راوی، چناب اور ستلج میں ایک ہی وقت میں سیلاب آیا ہے۔ ساہیوال، ملتان، جھنگ سمیت دیگر علاقے ہائی الرٹ پر ہیں۔ بھارت نے دریائے ستلج میں ایک اور سیلابی ریلا چھوڑا ہے۔ تھرمل ٹیکنالوجی اور ڈرونز کے ذریعے ہزاروں لوگوں کو ریسکیو کیا گیا ہے۔ بارشوں اور سیلاب سے 510 شاہراہیں اور 64 پل متاثر ہوئے ہیں، جبکہ 50 سے زائد شاہراہوں اور 40 پلوں کو بحال کر دیا گیا ہے۔ بروقت انتظامات کی وجہ سے زیادہ جانی نقصان نہیں ہوا۔

یہ بھی پڑھیں: اپنا دل مضبوط رکھیں، نا جانے ایسی کیا وبا ء پھو ٹ پڑی کہ اونٹ دھڑا دھڑ مرنے لگے، لوگ انتہائی بے بسی کی عالم میں پیدل ہی جانا شروع ہو گئے۔

ریسکیو اینڈ ریلیف آپریشن

’’جنگ‘‘ کے مطابق عظمیٰ بخاری نے کہا کہ ریسکیو اینڈ ریلیف آپریشن جاری ہے۔ پنجاب حکومت سیلاب متاثرین کی بحالی تک انہیں تنہا نہیں چھوڑے گی۔ جن علاقوں سے پانی اتر گیا ہے، وہاں نقصانات کا تخمینہ لگانے کی ہدایات دی گئی ہیں، جبکہ موبائل ٹوائلٹس کی فراہمی بھی یقینی بنائی جا رہی ہے۔ انسانی جانوں کے ساتھ ساتھ مویشیوں کو بھی بچایا جا رہا ہے، مویشیوں کے مالکان کو حوالگی کے لیے لوسٹ اینڈ فائنڈ ڈپارٹمنٹ بنایا گیا ہے۔

غیر قانونی آبادیوں کا مسئلہ

انہوں نے کہا کہ کل روڈا کے سی ای او نے کہا کہ کوئی بھی غیر قانونی این او سی جاری کرنے کا ارادہ نہیں رکھتے۔ فرخ آباد اور شاہدرہ کی آبادی قیام پاکستان سے پہلے سے آباد ہے، لیکن اس آبادی کا کوئی بھی ریکارڈ کسی جگہ نہیں ہے، حالانکہ لوگ برسوں سے یہاں بسے ہیں۔ فضول باتوں کے جواب دینے کا وقت نہیں ہے، دو ٹوک کہہ سکتی ہوں کہ ہمارے دور میں کسی بھی غیر قانونی طور پر آباد سوسائٹی کو کوئی این او سی نہیں دیا گیا۔ پورے پنجاب میں ڈپٹی کمشنر کو کہا گیا ہے کہ تیاری کر کے لائیں کہ ریور بیڈ پر کون کون سی آبادیاں قانونی ہیں اور کون سی غیر قانونی ہیں، قانونی آبادیوں کا کیا اسٹیٹس ہے۔ پنجاب حکومت ماسٹر پلان کے تحت کام کرے گی۔