لاہور کے مختلف علاقوں میں 4 مبینہ پولیس مقابلے، 4 ملزم ہلاک، ایک زخمی حالت میں ہسپتال منتقل

پولیس مقابلوں کی تفصیلات

لاہور (ڈیلی پاکستان آن لائن) کرائم کنٹرول ڈیپارٹمنٹ کے شہر کے مختلف علاقوں نشتر کالونی، باٹا پور، مصری شاہ اور ساندہ کے علاقوں میں 4 مبینہ پولیس مقابلوں میں 4 ملزمان مارے گئے جبکہ ایک ملزم کو زخمی ہسپتال میں منتقل کیا گیا ہے۔

یہ بھی پڑھیں: انڈس واٹر کمیشن نے بھارت کی سندھ طاس معاہدے کی خلاف ورزی کی تفصیلات حکومت کو بھجوا دیں

نشتر کالونی میں واقعہ

پولیس کے مطابق نشتر کالونی میں سی سی ڈی کا مبینہ پولیس مقابلہ ہوا ہے، جہاں غالب مارکیٹ کے علاقے میں 8 سالہ بچی کے ساتھ زیادتی کرنے والا ملزم عمر زخمی ہوگیا۔ ملزم نے شلوار سے پستول نکالتے ہوئے اچانک گولی چلنے سے خود زخمی ہوا، جسے جناح ہسپتال منتقل کیا گیا۔ پولیس کا کہنا ہے کہ ملزم سی سی ڈی سے مقابلے کے لیے پستول نکال رہا تھا اور اپنی ہی گولی سے زخمی ہوا۔ ملزم نے چند روز قبل ایک 8 سالہ بچی کے ساتھ زیادتی کی تھی۔

یہ بھی پڑھیں: اسلام آباد میں مظاہرین نے سکول کا گھیراو کر کے 6 سو پولیس اہلکاروں کو محصور کرلیا

باٹا پور میں پولیس مقابلہ

باٹا پور میں ایک اور مبینہ پولیس مقابلے کے نتیجے میں ایک ڈاکو ہلاک ہوگیا۔ سی سی ڈی پولیس نے ملزم صابر کی گرفتاری کے لیے اکھاڑا پل پر چھاپہ مارا تو اپنے ہی ساتھیوں کی فائرنگ سے ملزم صابر ہلاک ہوگیا۔

مصری شاہ اور ساندہ میں ہلاکتیں

اسی طرح مصری شاہ اور ساندہ ٹی نمبر 4 میں مبینہ پولیس مقابلوں کے دوران 3 ملزمان ہلاک ہوگئے۔ ساندہ میں ہلاک ہونے والے 2 ملزمان کی شناخت وسیم اور ریاست کے نام سے ہوئی، جبکہ مصری شاہ میں ہلاک ہونے والے ملزم کی شناخت روہیت مسیح کے نام سے ہوئی۔ تمام ملزمان کو نشاندہی کے لیے لے جایا جا رہا تھا، کہ اسی دوران ان کے ساتھیوں نے چھڑانے کے لیے فائرنگ کی، جس کے نتیجے میں وہ مارے گئے۔