وزیر اعلیٰ تریموں بیراج پہنچ گئیں، سیلاب کی صورتحال کا جائزہ لیا، جدید ٹیکنالوجی استعمال میں لانے کا حکم
وزیر اعلیٰ پنجاب کا جھنگ کا دورہ
لاہور (ڈیلی پاکستان آن لائن) وزیر اعلیٰ پنجاب مریم نواز جھنگ کے نواحی تریموں بیراج پہنچ گئیں۔ وزیر اعلیٰ نے سیلابی پانی کی صورتحال کا جائزہ لیا۔
یہ بھی پڑھیں: آج کن شہروں میں ژالہ باری کا امکان ہے؟ محکمہ موسمیات نے پیشگوئی کر دی
سیلاب کی صورتحال پر بریفنگ
وزیر اعلیٰ کو سکاڈا کنٹرول روم میں سیلاب کی صورتحال پر بریفنگ دی گئی۔ کمشنر فیصل آباد راجا جہانگیر انور اور ڈپٹی کمشنر علی اکبر نے بریفنگ دی۔ بریفنگ میں بتایا گیا کہ تریموں بیراج سے تاریخ کا سب سے بڑا ریلا گزرا۔ بروقت اقدامات سے نہ صرف ملتان بلکہ دیگر علاقے بھی نقصانات سے محفوظ رہے۔
یہ بھی پڑھیں: شکست خوردہ بھارت کی بوکھلاہٹ: ترک اور چینی خبر رساں اداروں کے سوشل میڈیا اکاؤنٹ بلاک کردیے
انخلاء اور مویشیوں کی نقل مکانی
جھنگ میں سیلاب سے پہلے دو لاکھ 98 ہزار آبادی کا انخلاء ہوا۔ جھنگ میں تقریباً ایک لاکھ 19 ہزار کے لگ بھگ مویشیوں کو سیلابی ریلے کی آمد سے پہلے محفوظ مقامات پر منتقل کیا گیا۔
یہ بھی پڑھیں: آئی پی ایل کے دوبارہ آغاز کا اعلان، شیڈول سامنے آگیا
ریلیف کیمپ اور امدادی سرگرمیاں
بریفنگ میں مزید بتایا گیا کہ مویشیوں کے لئے چارہ اور ونڈا وغیرہ دیا جا رہا ہے۔ 102 لائیو سٹاک ورکر گاؤں گاؤں جا کر مویشیوں کی دیکھ بھال اور علاج معالجہ کر رہے ہیں۔ ضلع جھنگ میں سیلاب متاثرین کے لئے 21 ریلیف کیمپ قائم، تقریباً 750 متاثرین مقیم ہیں۔ سیلاب سے جھنگ کے 181 موضع متاثرہ ہوئے۔
یہ بھی پڑھیں: چین کسی ملک کو پاکستان کی سرحدوں یا خود مختاری کو پامال کرنے کی اجازت نہیں دیگا
وزیر اعلیٰ کی ہدایات
وزیر اعلیٰ مریم نواز نے آخری فرد تک ریسکیو آپریشن کے دائرہ کار بڑھانے کی ہدایت کی اور سیلاب متاثرین کی تلاش کے لئے ڈرون، تھرمل امیجنگ کیمرے اور دیگر جدید ٹیکنالوجی کا استعمال کرنے کا حکم دیا۔
عوام کے تحفظ کی ذمہ داری
وزیر اعلیٰ نے کہا کہ جہاں مدد کی ضرورت ہے، وہاں امداد پہنچائیں گے، جھنگ کی محرومیاں ختم کریں گے۔ اللہ تعالیٰ نے عوام کے تحفظ کی ذمہ داری دی، کسی بھی جگہ حفاظتی بند توڑنے کے تکنیکی کام میں مداخلت نہیں کی جائے گی۔ آبادی کو سیلاب سے بچانا اور انسانی جانوں کو محفوظ رکھنا میری سب سے پہلی ترجیح ہے۔ ہر صورت میں انسانی آبادی کو بچانے کو ترجیح دی جائے گی۔ کمشنر فیصل آباد راجا جہانگیر انور، ڈپٹی کمشنر علی اکبر اور پوری ٹیم نے بڑی محنت سے کام کیا، اپنی ٹیم پر فخر ہے۔
