شنگھائی تعاون تنظیم کو عالمی سطح پر کھلے تعاون کی ذمہ داری اٹھانے کے لئے آگے بڑھنا چاہیے، شی جن پھنگ

چین کے صدر کا شنگھائی تعاون تنظیم کے اجلاس میں خطاب

تیانجن (شِںہوانیوز ایجنسی) چین کے صدر شی جن پھنگ نے شنگھائی تعاون تنظیم (ایس سی او) کے رکن ممالک پر زور دیا ہے کہ وہ عالمی سطح پر کھلے تعاون کی ذمہ داری اٹھانے کے لئے آگے بڑھیں۔

یہ بھی پڑھیں: سفری پابندیاں: پی آئی اے اور ایوی ایشن اتھارٹی کو 450 ارب روپے سے زائد کا نقصان

توانائی اور ماحول دوست صنعت میں تعاون

پیر کے روز شنگھائی تعاون تنظیم پلس اجلاس سے خطاب کرتے ہوئے شی نے کہا کہ چین توانائی، ماحول دوست صنعت اور ڈیجیٹل معیشت میں چین-ایس سی او تعاون کے لئے 3 بڑے پلیٹ فارمز قائم کرے گا اور سائنسی و تکنیکی اختراع، اعلیٰ تعلیم اور پیشہ ورانہ و تکنیکی تعلیم کے لئے 3 بڑے تعاون مراکز قائم کرے گا۔

یہ بھی پڑھیں: اداکارہ میرب علی نے آخر کار عاصم اظہر سے علیحدگی پر خاموشی توڑ دی

فوٹو وولٹک اور ہوا کی توانائی

شی نے کہا کہ ہم اگلے 5 سال میں ساتھی ایس سی او ممالک کے ساتھ مل کر فوٹو وولٹک اور ہوا سے پیدا ہونے والی بجلی کی نصب شدہ صلاحیت میں سے ہر ایک میں ایک کروڑ کلوواٹ کا اضافہ کریں گے۔

یہ بھی پڑھیں: شہباز کو ہٹانے، بلاول کو لانے کیلئے ایوان صدر میں خفیہ ملاقاتیں ہورہی ہیں: بیرسٹر سیف

مصنوعی ذہانت میں تعاون

چین تمام فریقین کے ساتھ مل کر مصنوعی ذہانت (اے آئی) کے اطلاق کے تعاون کا مرکز بنانے اور اے آئی میں ہونے والی ترقی کے فوائد کو بانٹنے کے لئے تیار ہے۔

بین الاقوامی قمری تحقیق سٹیشن

انہوں نے کہا کہ ہم تمام فریقوں کو بیڈو سیٹلائٹ نیویگیشن سسٹم استعمال کرنے کا خیرمقدم کرتے ہیں اور متعلقہ صلاحیتوں والے ممالک کو بین الاقوامی قمری تحقیق سٹیشن منصوبے میں حصہ لینے کی دعوت دیتے ہیں۔