لاہور: میڈیکل کتابوں کے صفحات میں آئس جذب کرکے بیرون ملک سمگل کرنے کی کوشش ناکام
اینٹی نارکوٹکس فورس کی بڑی کاروائی
لاہور (ڈیلی پاکستان آن لائن) اینٹی نارکوٹکس فورس نے میڈیکل کتابوں کے صفحوں میں آئس جذب کر کے بیرون ملک اسمگل کرنے کی کوشش ناکام بنادی۔
یہ بھی پڑھیں: دبئی میں لگژری گاڑیوں کی خصوصی نمبر پلیٹس کی مہنگی ترین نیلامی
بھرپور معلومات کی بنیاد پر کارروائی
نجی ٹی وی چینل ایکسپریس نیوز کے مطابق اے این ایف نے لاہور میں مال روڈ پر واقع کوریئر آفس پر کارروائی کرتے ہوئے کتابوں کی آڑ میں 13 کلو گرام آئس کی بھاری کھیپ برآمد کرلی۔
یہ بھی پڑھیں: ارشد ندیم نے ورلڈایتھلیٹکس چیمپئن شپ فائنل کے لیے کوالیفائی کرلیا۔
خفیہ اطلاع اور منشیات کا انکشاف
خفیہ اطلاع پر آسٹریلیا بھیجے جانے والے ایک پارسل کو قبضے میں لے کر چیک کیا گیا جس میں موجود کتابوں کے ورقوں میں جذب منشیات کا انکشاف ہوا۔ اے این ایف کے عملے نے منشیات ٹیسٹنگ ڈیوائس کی مدد سے کتابوں میں جذب آئس کی تصدیق کی۔
یہ بھی پڑھیں: Muslim Nations Must Step Up in Support of Palestinians Against Israel: Hafiz Naeem
ملزم کی شناخت اور مزید کارروائی
پارسل پشاور کے رہائشی فضل رحمان نامی شخص کی جانب سے بک کروایا گیا تھا۔ پارسل قبضے میں لیکر منشیات علیحدہ کرنے کی غرض سے لیبارٹری بھیج دیا گیا ہے، جبکہ اے این ایف کی جانب سے ملوث ملزم کی گرفتاری کیلئے مزید کارروائی کی جارہی ہے۔
کوریئر کمپنیز کے کردار پر تشویش
اے این ایف کے ترجمان کے مطابق منشیات کے دھندے میں ملوث عناصر کا سمگلنگ کیلئے کوریئر کمپنیز کو استعمال کرنا تشویشناک ہے۔ کوریئر کمپنیز کے ساتھ ملکر بذریعہ پارسلز منشیات سمگلنگ کے انسداد کیلئے اقدامات کئے جا رہے ہیں۔
