پاکستان بحرین کے ساتھ اپنے مضبوط سفارتی اور دفاعی تعلقات کو قدر کی نگاہ سے دیکھتا ہے، سربراہ پاک فضائیہ

راولپنڈی کا دورہ

راولپنڈی (ڈیلی پاکستان آن لائن) بحرین کی ڈیفنس فورس کے چیف آف سٹاف، لیفٹیننٹ جنرل تھیاب صقر عبداللہ النعیمی نے ایئر ہیڈ کوارٹرز اسلام آباد کا دورہ کیا۔ دورے کے دوران انہوں نے سربراہ پاک فضائیہ ظہیر احمد بابر سدھو سے ملاقات کی۔

یہ بھی پڑھیں: نوازشریف مذاکرات کیلئے 9مئی پر معافی مانگنے کا مطالبہ کریں گے: جاوید لطیف

گارڈ آف آنر

پاک فوج کے شعبہ تعلقات عامہ (آئی ایس پی آر) کے مطابق لیفٹیننٹ جنرل تھیاب صقر عبداللہ النعیمی کی آمد پر پاک فضائیہ کے چاق و چوبند دستے نے انہیں گارڈ آف آنر پیش کیا۔

یہ بھی پڑھیں: احتساب عدالت فیصلے میں وجوہات نہیں، کیس واپس بھیج دیتے ہیں کہ فیصلہ کرکے وجوہات دیں، چیف جسٹس عامر فاروق کے بریت کی درخواستوں پر ریمارکس

ملاقات کے اہم امور

ملاقات کے دوران دونوں عسکری افسران نے باہمی دلچسپی کے مختلف امور اور مشترکہ تعاون کے فروغ کے لیے نئی راہیں استوار کرنے کے عزم کا اظہار کیا۔ سربراہان نے باہمی شراکت داری کے ذریعے دونوں ممالک کی افواج کے مابین مشترکہ تربیت اور باہمی ترقی کو فروغ دینے پر بھی اتفاق کیا۔

یہ بھی پڑھیں: ملیر جیل میں خودکشی کرنے والے ماہی گیر کی لاش بھارتی حکام کے حوالے کردی گئی

پاکستان اور بحرین کے تعلقات

ترجمان پاک فوج کا کہنا تھا کہ ایئر چیف نے معزز مہمانوں کا شاندار استقبال کرتے ہوئے اس امر پر روشنی ڈالی کہ پاکستان اور بحرین کے درمیان دیرینہ مذہبی اور تاریخی روابط استوار ہیں جو دونوں ممالک کی افواج کے مابین لازوال تعلقات کا مظہر ہیں۔ ملاقات کے دوران سربراہ پاک فضائیہ کا کہنا تھا کہ پاکستان بحرین کے ساتھ اپنے مضبوط سفارتی اور دفاعی تعلقات کو قدر کی نگاہ سے دیکھتا ہے، جو دونوں ممالک کے مابین علاقائی امن، سلامتی اور استحکام سے متعلق تمام اہم امور میں ہم آہنگی پر مبنی ہیں۔

یہ بھی پڑھیں: جماعت اسلامی کا فلسطینیوں سے اظہار یکجہتی کیلئے29دسمبر کوملین مارچ کا اعلان

پیشہ ورانہ مہارت کی تعریف

آئی ایس پی آر کے مطابق معزز مہمان نے پاک فضائیہ کے اہلکاروں کی پیشہ ورانہ مہارت کو سراہتے ہوئے پاک فضائیہ کی جانب سے خود انحصاری اور تکنیکی ترقی کے ذریعے حاصل کردہ نمایاں پیش رفت کی تعریف کی۔ بحرین کی فضائیہ کی آپریشنل استعدادکار بڑھانے کے حوالے سے ملٹی ڈومین آپریشنز میں علمی تعاون کی اہمیت کا احاطہ کرتے ہوئے معزز مہمان نے پاک فضائیہ کے بھرپور آپریشنل تجربے سے استفادہ حاصل کرنے اور ملٹی ڈومین وارفیئر سے متعلق تربیت کے حصول کی اپنی دیرینہ خواہش کا اظہار کیا۔

یہ بھی پڑھیں: کینال پر قبضہ کرنے کی ڈونلڈ ٹرمپ کی دھمکی پر پاناما کے صدر نے جواب دیا

مشترکہ تربیتی پروگرامز کی دلچسپی

آئی ایس پی آر کے مطابق دورے کے دوران سربراہان نے بحرین کے پائلٹس اور انجینئرز کے لیے جامع اور مشترکہ تربیتی پروگرامز کے آغاز میں بھی دلچسپی ظاہر کی۔ بحرین ڈیفنس فورس کے چیف آف سٹاف نے پاک فضائیہ کی جانب سے خود انحصاری کے حصول کے لیے جاری کوششوں کو سراہا۔

یہ بھی پڑھیں: چینی باشندوں پر حملہ: تفتیشی حکام نے حملہ آور سے منسلک ویڈیو حاصل کرلی

جدت طرازی کا اعتراف

انہوں نے جدت طرازی اور جدید مقامی صلاحیتوں کی ترقی میں نیشنل ایرو سپیس سائنس اینڈ ٹیکنالوجی پارک کے کلیدی کردار کا اعتراف کیا۔

دورۂ نیشنل آئی ایس آر اور پی اے ایف سائبر کمانڈ

بعد ازاں، معزز مہمان نے نیشنل آئی ایس آر اینڈ انٹیگریٹڈ ایئر آپریشنز سینٹر اور پی اے ایف سائبر کمانڈ کا دورہ کیا، جہاں انہیں پاک فضائیہ کی آپریشنل صلاحیتوں کے بارے میں آگاہ کیا گیا۔