کالا باغ ڈیم پر علی امین گنڈاپور کا بیان پارٹی پالیسی نہیں: سلمان اکرم راجہ

بیان کے پس منظر

راولپنڈی(ڈیلی پاکستان آن لائن) پاکستان تحریک انصاف کے سیکرٹری جنرل سلمان اکرم راجہ نے کہا ہے کہ علی امین گنڈا پور کا کالا باغ ڈیم سے متعلق بیان ان کی ذاتی رائے ہو سکتی ہے، پارٹی پالیسی نہیں۔

یہ بھی پڑھیں: 1. 9 مئی کے دن میں پاکستان میں ہی نہیں تھا لیکن کیس کیس ہے: شیخ رشید

کالا باغ ڈیم کی تعمیر

نجی ٹی وی چینل دنیا نیوز کے مطابق اے ٹی سی راولپنڈی کے باہر میڈیا سے گفتگو کرتے ہوئے سلمان اکرم راجہ کا کہنا تھا کہ کالا باغ ڈیم کی تعمیر پر پارٹی پالیسی واضح ہے، سندھ اور کے پی کے تحفظات ہیں۔ ایک ایسا منصوبہ جس پر دو صوبوں کے تحفظات ہوں یہ وفاق کیلئے اچھا نہیں ہے، جب تک تمام فریقین اس پر متفق نہ ہوں اور سیاسی ہم آہنگی نہیں ہوتی ایسا کوئی منصوبہ قابل عمل نہیں۔

یہ بھی پڑھیں: پاکستان پر قرضوں کا بوجھ خطرناک حد تک بڑھ گیا، ہر پاکستانی شہری 3 لاکھ 18 ہزار 252 روپے کا مقروض ہے، معاشی تھنک ٹینک کی رپورٹ

صدارتی نظام سے متعلق بیان

انہوں نے کہا کہ صدارتی نظام کی بات ہماری پارٹی کی ہرگز پالیسی نہیں ہے، یہ بیان وزیراعلیٰ کے پی کا میری نظر سے نہیں گزرا اگر ایسا ہوا تو میں علی امین گنڈا پور سے پوچھوں گا۔

یہ بھی پڑھیں: پاکستان اور اٹلی کا مضبوط دوطرفہ شراکت داری کے اعادے پر اتفاق، اوورسیز کمیونٹی پل کا کردار ادا کر رہی ہے: چیئرمین سینیٹ

پارلیمانی نظام اور معاملات

ان کا کہنا تھا کہ یہ پارلیمان آئینی ترمیم نہیں کر سکتا یہ فارم 47 کی پیداوار ہے، پارلیمانی نظام کے بجائے صدارتی نظام رائج ہو ایسا ہرگز نہیں ہوسکتا۔ ہمارے خلاف جعلی اور جھوٹے مقدمات ہیں، سماعت ہی نہیں ہوتی۔

سیلاب متاثرین کی مدد

سلمان اکرم راجہ نے مزید کہا کہ بانی پی ٹی آئی کی ہدایت پر میں نے لاہور میں ایم این ایز اور ایم پی ایز کی میٹنگ بلائی تھی، میٹنگ میں عمران خان کا پیغام پہنچایا گیا کہ اپنی اپنی جیب سے سیلاب متاثرہ افراد کی مدد کریں۔ میں خود کل سیالکوٹ سمبڑیال گیا تھا جہاں جہاں ممکن ہو سکتا ہے ہم سیلاب متاثرین کی مدد کر رہے ہیں، ہمارے کارکن ہر جگہ پر موجود ہیں اور ہر ممکن کوشش کر رہے ہیں۔