چینی قونصل جنرل کا جیوفیک ہسپتال لاہور کا دورہ، سیلاب متاثرین سے اظہار یکجہتی

چینی قونصل جنرل کا دورہ

لاہور (ویب ڈیسک) چینی قونصل جنرل لاہور مسٹر ژائو شیرین نے جیو پاک ہسپتال لاہور کا دورہ کیا اور ہسپتال میں سیلاب متاثرین کے لئے قائم کئے گئے امدادی کیمپ کا جائزہ لیا۔ یہاں تقریباً 300 متاثرہ افراد کو طبی سہولیات، ادویات اور پناہ فراہم کی جا رہی ہیں۔ اس موقع پر انہوں نے چیریٹی کے ادارے جیو پاک کی بھرپور مدد کا اعلان بھی کیا۔

یہ بھی پڑھیں: ڈیرہ غازی خان میں علاقائی دفتر کا افتتاح، دور دراز علاقوں میں عوام کو انصاف فراہم کر رہے ہیں: وفاقی محتسب

استقبالیہ تقریب

استقبالیہ تقریب میں جیو پاک ہسپتال کے چیئرمین شاہد نذیر چودھریؔ، سی او اور فاؤنڈر عبدالشکور، دی نور پراجیکٹ کے سی او امجد وٹو اور پنجاب رینجرز ہسپتال کے ایم ایس بریگیڈیئر آفتاب نے معزز مہمان کا پرتپاک خیر مقدم کیا اور انہیں ہسپتال میں قائم چیریٹی کیمپ کا تفصیلی دورہ کرایا۔

یہ بھی پڑھیں: ٹرمپ نے مودی کو ٹیلی فون پر ٹرخا دیا، فیلڈ مارشل عاصم منیر کی ملاقات پر بھارت میں آج ماتم ہوگا: مشاہد حسین سید

قونصل جنرل کا پیغام

اس موقع پر قونصل جنرل مسٹر ژائو شیرین نے متاثرین سے ملاقات کی اور ان کے مسائل سنے۔ انہوں نے کہا:

"پاکستان اور چین آہنی بھائی ہیں۔ مشکل کی ہر گھڑی میں ہم ایک دوسرے کے ساتھ کھڑے ہیں۔ سیلاب سے متاثرہ پاکستانی عوام کی مدد کے لئے چین نہ صرف حکومتی سطح پر بلکہ چینی بزنس کمیونٹی کے ذریعے بھی امدادی سرگرمیوں میں شریک ہے۔ جیو پاک ہسپتال اور اس کی ٹیم نے جس جذبے کے ساتھ سیلاب متاثرین کی خدمت کی ہے، یہ پاک چین دوستی کی حقیقی روح کی عکاسی ہے۔"

یہ بھی پڑھیں: مقامی مارکیٹ میں فی تولہ سونے کی قیمت میں 1200 روپے کی کمی

جیو پاک ہسپتال کی خدمات

جیو پاک کے سی او نے کہا کہ ہم شکر گزار ہیں کہ چین کے معزز نمائندے نے یہاں آ کر متاثرین کی ہمت بندھائی۔ جیو پاک ہسپتال ہر حال میں انسانیت کی خدمت جاری رکھے گا۔ انہوں نے کہا کہ یہ ادارہ عوامی خدمت کے لئے قائم کیا گیا ہے۔ سیلاب سے متاثرہ خاندانوں کے زخموں پر مرہم رکھنا ہمارا فرض ہے اور ہمیں خوشی ہے کہ ہمارے دوست ملک چین نے اس مشن میں ہمارا ساتھ دیا۔

یہ بھی پڑھیں: لیسکو کی قانون نافذ کرنیوالے اداروں کے ہمراہ بڑی کارروائی، کروڑوں روپے کی بجلی چوری پکڑی گئی

دی نور پراجیکٹ کی شراکت

دی نور پراجیکٹ کے سی او امجد وٹو نے کہاکہ پاکستان اور چین کی یہ شراکت داری ایک مثال ہے۔ ہم اپنے متاثرہ بھائیوں کی مدد میں کوئی کمی نہیں آنے دیں گے۔ انہوں نے بتایا کہ دی نور کی جانب سے جیو ہسپتال میں مقیم متاثرین کو کھانا اور کپڑے فراہم کئے جارہے ہیں۔

یہ بھی پڑھیں: ڈکی بھائی کا وی لاگ دیکھ کر بہت دکھ ہوا، بگ برادر کون؟

پنجاب رینجرز کی حمایت

پنجاب رینجرز ہسپتال کے ایم ایس بریگیڈیئر آفتاب نے کہاکہ یہ یکجہتی اس بات کا ثبوت ہے کہ انسانیت کی خدمت سب سے بڑی ترجیح ہونی چاہیے۔

یہ بھی پڑھیں: چینی ہتھیاروں نے میدان جنگ میں ٹیسٹ پاس کر لیا، بھارت نہ مانا لیکن فرانسیسی میڈیا نے مان لیا

پاک چین تعلقات کی مظہر

چیرمین جیو پاک ہسپتال شاہد نذیر چودھری نے کہا کہ یہ دورہ نہ صرف پاک چین تعلقات کی مضبوطی کا عکاس ہے بلکہ اس بات کا ثبوت بھی ہے کہ مشکل کی گھڑی میں دونوں ممالک ایک دوسرے کے شانہ بشانہ کھڑے ہیں۔ جیو پاک ہسپتال اور اس کی انتظامیہ نے سیلاب متاثرین کے لئے جو اقدامات کئے ہیں وہ معاشرتی خدمت کی ایک روشن مثال ہیں۔ اس دورہ میں چین بزنس کونسل کے نمائندے بھی قونصل جنرل چین کے ساتھ وفد کی صورت میں آئے تھے۔

امدادی سامان کی تقسیم

تقریب کے بعد چینی قونصل جنرل مسٹر ژائو شیرین خصوصی طور پر لاہور کے علاقے موہلنوال گئے، جہاں جیو پاک ہسپتال کی ٹیم کے ہمراہ انہوں نے متاثرین میں امدادی سامان تقسیم کیا۔ اس موقع پر کھانے پینے کی اشیاء، ادویات اور ضروریات زندگی کا سامان بانٹا گیا، جس سے متاثرین نے بھرپور تشکر کا اظہار کیا۔