آپ کی مہربانی ہے، ہمارا حال سن لیں گئے ہو؟ سیلاب سے متاثرہ بزرگ خاتون: اپنے بہن بھائیوں کا دکھ درد بانٹنے آئی ہوں: وزیر اعلیٰ مریم نواز

وزیراعلیٰ پنجاب کا دورہ ملتان

لاہور (ڈیلی پاکستان آن لائن) وزیراعلیٰ پنجاب مریم نواز نے ملتان ہیڈ محمد والا بریچنگ پوائنٹ کا دورہ کیا اور سیلاب کی صورتحال کا جائزہ لیا۔ ملتان شہر کو بچانے پر ارکان پارلیمنٹ نے وزیراعلیٰ مریم نواز کو خراج تحسین پیش کیا۔

یہ بھی پڑھیں: عشق و محبت کا بھوت تھا جو بغیر ایک دوسرے کو دیکھے ہم دونوں پر سوار ہو کررہا، یہ ایک طرح سے روحانی تعلق تھا جو حقیقی محبت کے روپ میں ڈھل گیا

ریسکیو مشن

وزیراعلیٰ نے سیلابی ریلے میں پھنسے ہوئے خاندان کو کنارے سے خود ریسیو کیا۔ ریسکیو1122 کی ٹیم دریائی بیلے میں پھنسے خاندان اور ان کے مال مویشیوں کو نکال کر باہر لائی۔

یہ بھی پڑھیں: رضاکارانہ طور پر ریٹائرمنٹ لینے کے خواہشمند اساتذہ کا ڈیٹا طلب

متاثرہ خاندانوں کا شکریہ

وزیراعلیٰ مریم نواز سے متاثرہ خاندانوں نے اظہار تشکر کیا اور جان بچ جانے پر اللہ تعالیٰ کا شکر ادا کیا۔ متاثرہ بزرگ خاتون نے وزیراعلیٰ سے گفتگو کرتے ہوئے کہا کہ "تساں دے مہربانی ایں، ساڈا ہال گہنن اے گئے ہو"۔

یہ بھی پڑھیں: ناکام شادیوں کے بعد برٹنی سپیئر نے خود سے شادی کرلی

ساحلی بحالی کے مستقبل کی کوششیں

وزیراعلیٰ مریم نواز نے متاثرہ خاندان سے کہا کہ میں سیلاب میں پھنسے اپنے بہن بھائیوں کا دکھ درد بانٹنے آئی ہوں۔ مجھے خوشی ہے کہ آپ اور آپ کے مال مویشی خیریت سے باہر آگئے۔ وزیراعلیٰ نے تھرمل امیجنگ ڈرون کی مدد سے متاثرین کی نشاندہی کے عمل کا بھی مشاہدہ کیا۔ تھرمل امیجنگ کیمرہ آٹھ کلو میٹر تک مسلسل 45 منٹ تک پرواز کر سکتا ہے۔

یہ بھی پڑھیں: میرے دادا پاکستان بننے سے قبل انگریز سرکاری افسر کے دفتر میں نچلے درجے کے ملازم تھے، انکی کہانی غیرت اور خودداری جیسے الفاظ کے گرد گھومتی ہے

سیلابی صورتحال کا لائیو مشاہدہ

وزیراعلیٰ مریم نواز نے پی ڈی ایم اے کی ڈیزاسٹر وین میں بیٹھ کرسیلابی صورتحال کا لائیو مشاہدہ کیا۔ وزیراعلیٰ نے پی ڈی ایم اے کو مزید ڈیزاسٹر وین مہیا کرنے کی ہدایت کی۔ کمشنر ملتان عامر کریم خاں اور ڈپٹی کمشنر وسیم سندھو نے وزیراعلیٰ مریم نواز شریف کو تازہ ترین صورتحال کے بارے میں بریفنگ دی۔

یہ بھی پڑھیں: قتل عام کے مجرموں سے اولمپک چیمپئن تک: روس کس طرح خطرناک مجرموں کو رہا کر کے فوجیوں کی کمی کو پورا کر رہا ہے؟

اجتماعی متاثرین کی صورتحال

بریفنگ میں بتایا گیا کہ ضلع ملتان تقریباً 150 فٹ طویل ایریا براہ راست سیلابی پانی سے متاثر ہو رہا ہے۔ ملتان کے علاقے میں سیلابی ریلوں سے 138 موضع متاثر ہوئے۔ ملتان میں 3 لاکھ 64 ہزار افراد متاثر ہوئے۔

یہ بھی پڑھیں: نصف شب بیت گئی، مگر مصر کے بازاروں میں ابھی تک ٹھیک ٹھاک رونق میل تھا، رقص گاہوں میں بیلے ڈانس کی مخصوص دھنیں بج رہی تھیں

مویشیوں کا ریسکیو اور امدادی کیمپ

بریفنگ میں مزید بتایا گیا کہ سیلابی ریلے میں پھنسے 1 لاکھ 20 ہزار سے زائد مویشیوں کو بحفاظت ریسکیو کیا۔ ملتان میں سیلاب متاثرین کے لئے 25 فلڈ ریلیف کیمپ میں 7862 متاثرین مقیم ہیں۔ فلڈ ریلیف کیمپوں میں صبح، دوپہر اور شام کا کھانا دیا جاتا ہے، 24 گھنٹے ڈاکٹر اور طبی عملہ موجود رہتا ہے۔

صحت اور ضروریات کی فراہمی

وزیراعلیٰ مریم نواز نے فلڈ ریلیف کیمپوں میں مچھر مار اور جراثیم کش ادویات کے سپرے کے بارے میں بھی دریافت کیا۔ وزیراعلیٰ نے فلڈ ریلیف کیمپ میں مقیم بچوں کی دودھ اور دیگر ضروریات پوری کرنے کی بھی ہدایت کی۔