سیلابی صورتحال کے باعث فیصل آباد میں میٹرک کے امتحانات ملتوی

فیصل آباد(ڈیلی پاکستان آن لائن) سیلابی صورتحال کے باعث فیصل آباد بورڈ آف انٹرمیڈیٹ اینڈ سیکنڈری ایجوکیشن نے میٹرک کے سالانہ امتحانات 2025 ملتوی کر دیئے۔

نئی تاریخیں

نجی ٹی وی چینل دنیا نیوز کے مطابق ترجمان بورڈ کا کہنا ہے کہ میٹرک کے امتحانات 10 ستمبر سے شروع ہونا تھے تاہم اب یہ 29 ستمبر سے منعقد ہوں گے۔

نئی ڈیٹ شیٹ

فیصل آباد بورڈ آف انٹرمیڈیٹ اینڈ سیکنڈری ایجوکیشن کے ترجمان نے مزید کہا ہے کہ شیڈول میں ترمیم کے بعد طلبہ کو نئی ڈیٹ شیٹ کے مطابق رول نمبر سلپس جاری کی جائیں گی۔