علیمہ خان پر انڈہ پھینکنے والی خواتین کا کس سیاسی جماعت سے تعلق ہے اور انڈہ کیوں پھینکا؟ ترجمان راولپنڈی پولیس نے بتایا

واقعہ کی تفصیلات

راولپنڈی (ڈیلی پاکستان آن لائن) بانی پی ٹی آئی کی ہمشیرہ علیمہ خان پر انڈہ پھینکنے والی خواتین کا کس سیاسی جماعت سے تعلق ہے اور انڈہ کیوں پھینکا؟ اس حوالے سے ترجمان راولپنڈی پولیس کا بیان سامنے آ گیا۔

یہ بھی پڑھیں: اصغر خان کیس: وزارت دفاع سے حساس اداروں میں سیاسی سیل ختم کرنے کی رپورٹ طلب

پریس کانفرنس کا واقعہ

نجی ٹی وی چینل جیو نیوز کے مطابق ترجمان کا کہنا ہے کہ راولپنڈی میں داہگل کے مقام پر پریس کانفرنس کے دوران علیمہ خان پر انڈہ پھینکنے کا واقعہ پیش آیا۔ انڈہ پھینکنے والی خواتین کا تعلق پی ٹی آئی سے ہے۔

احتجاج اور پولیس کی کارروائی

ترجمان کا مزید کہنا ہے کہ کے پی سے آل گورنمنٹ ایمپلائز گرینڈ الائنس اور ایپکا کے افراد احتجاج کرنے آئے تھے۔ خواتین کے سوالات پر علیمہ خان کی جانب سے جواب نہ دینے پر انڈہ پھینکنے کا واقعہ پیش آیا۔ واقعہ میں ملوث خواتین کو پولیس تحویل میں لے لیا گیا ہے۔