رجب بٹ اور ایمان کے درمیان علیحدگی کی افواہوں کی حقیقت سامنے آ گئی

رجب بٹ کی اہلیہ کے ساتھ علیحدگی کی افواہوں کی حقیقت

لاہور (ڈیلی پاکستان آن لائن) پاکستان کے معروف ڈیجیٹل کریئیٹر اور یوٹیوبر رجب بٹ حالیہ دنوں سوشل میڈیا پر اپنی اہلیہ سے علیحدگی کی گردش کرتی افواہوں کے باعث خبروں میں رہے، تاہم یہ افواہیں آخرکار غلط ثابت ہوئی ہیں۔

یہ بھی پڑھیں: عمران خان دور میں اداروں کے دباؤ پر مجھے چینل سے نکالا گیا، رؤف کلاسرا

ایمان رجب کا سسرال واپس آنے کا موقع

تفصیلات کے مطابق 7.3 ملین سے زائد سبسکرائبرز رکھنے والے رجب بٹ کی اہلیہ ایمان رجب حال ہی میں اپنے سسرال واپس پہنچی ہیں، جہاں ان کا پرتپاک استقبال کیا گیا۔ والدین اور بہن غزل نے ایمان کو خوش آمدید کہا اور پھولوں کی پتیاں نچھاور کیں۔ اس طرح یہ ثابت ہوگیا کہ رجب اور ایمان کے درمیان علیحدگی کی تمام خبریں بے بنیاد اور جھوٹی تھیں جو مختلف فین پیجز نے پھیلائی تھیں۔

یہ بھی پڑھیں: پنجاب میں سیلاب سے اموات کی تعداد 118 ہوگئی، 47لاکھ سے زائد افراد متاثر

خاندانی ملاقات اور معافی

اس موقع پر خاندان کے تمام افراد نے اپنے خیالات اور خوشی کا اظہار کیا۔ جبکہ رجب بٹ نے ویڈیو کال کے ذریعے اپنے اہل خانہ اور ایمان کے ساتھ گفتگو کی اور سب کے سامنے اپنی بیوی سے معافی بھی مانگی۔ انہوں نے اس بات پر افسوس کیا کہ جو معاملات چل رہے تھے، اس وجہ سے وہ پچھلے چھ سے آٹھ ماہ کے دوران ان کی زندگی میں آنے والی خوشیوں کو شیئر نہیں کرسکے۔

نئی خوشخبری

ایمان نے بھی اپنے مداحوں کو خوشخبری سنائی کہ وہ اور رجب جلد ہی والدین بننے والے ہیں اور مداحوں سے دعاؤں کی اپیل کی۔