آن لائن کمائی کا جھانسہ دے کر ’ آئی ٹی وی ‘ نامی ایپلی کیشن پاکستانیوں کے 2.3 ارب روپے لے کر غائب
آئی ٹی وی ایپ کی دھوکہ دہی
لاہور (ڈیلی پاکستان آن لائن) ’’آئی ٹی وی‘‘ نامی آن لائن ارننگ ایپلی کیشن محض 5 ماہ بعد پاکستانیوں کے 2.3 ارب روپے لے کر غائب ہوگئی۔ اس ایپ نے خود کو معروف برطانوی نشریاتی ادارے ITV کے نام سے منسوب کر کے عوام کا اعتماد حاصل کیا حالانکہ اس کا اس ادارے سے کوئی تعلق نہیں تھا۔
یہ بھی پڑھیں: آسٹریلیا کے خلاف پہلے ون ڈے کے لئے پاکستان کی پلیئنگ الیون کا اعلان
صارفین کی شکایات
سوشل میڈیا پر وائرل ویڈیو میں ایک نوجوان آئی ٹی وی ایپ کے دفتر کے باہر جمع ہوئے لوگوں کو دکھا رہاہے اور بتا رہاہے کہ ان سب کے ساتھ فراڈ ہواہے، جس جس نے اس میں پیسے رکھے تھے کہ یہ ڈبل ہو جائیں گے وہ اپنے پیسوں سے محروم ہو چکے ہیں۔
یہ بھی پڑھیں: امریکی وفد کے سامنے اپوزیشن نے بانی پی ٹی آئی کا دور تک ذکر بھی نہیں کیا، سپیکر ایاز صادق
دھوکہ دہی کی تفصیلات
’’آئی ٹی وی‘‘ ایپ نے صارفین کو آسان کمائی کے لالچ میں پھنسایا، لیکن رقم جمع کروانے کے بعد نکالنے کی سہولت فراہم نہیں کی۔ صارفین کا کہنا ہے کہ ایپ جعلی رسیدیں دکھاتی رہی، کسی قسم کی شناختی تصدیق موجود نہیں تھی اور واٹس ایپ گروپس کے ذریعے جھوٹے رہنما اصول فراہم کیے جاتے تھے۔
یہ بھی پڑھیں: اسلام آباد ہائی کورٹ کا فیصلہ خواتین کے مالی حقوق کے لیے سنگِ میل ثابت ہوگا: عورت فاؤنڈیشن
ماہرین کی رائے
ماہرین کا کہنا ہے کہ بعض ویب سائٹس اس ایپ کو اچھی ریٹنگ دے کر محفوظ ظاہر کرتی رہیں، لیکن حقیقت میں یہ سب فراڈ نکلا۔ ماہرین نے عوام کو خبردار کیا ہے کہ ایسی مشکوک ایپلی کیشنز اور پلیٹ فارمز سے بچیں کیونکہ فراڈیے جعلی پلیٹ فارم کو بھی بالکل اصلی ظاہر کر سکتے ہیں۔
