مودی معصوم لوگوں کی بددعائیں تمہیں جینے نہیں دیں گی، جان بوجھ کر پاکستان میں پانی چھوڑا:گورنر سندھ
گورنر سندھ کی موسمیاتی تبدیلی پر گفتگو
کراچی (ڈیلی پاکستان آن لائن) گورنر سندھ کامران ٹیسوری نے کہا ہے کہ موسمیاتی تبدیلی کی وجہ سے پاکستان شدید بارشوں کا شکار ہے۔ ایسی صورتحال میں بھارت کی جانب سے پانی چھوڑنا بھارتی وزیراعظم نریندر مودی کو مہنگا پڑے گا۔
یہ بھی پڑھیں: مودی سرکار کا بھارت میں ایک اور انتہائی اقدام، ریاستوں میں بے چینی، امریکی اخبار نے ’’نیا سیاسی خطرہ‘‘ قرار دیدیا
مودی کے خلاف سخت الفاظ
مزار قائد پر حاضری کے موقع پر میڈیا سے گفتگو کرتے ہوئے گورنر سندھ کامران ٹیسوری نے بھارتی وزیراعظم کو مخاطب کرتے ہوئے کہا کہ مودی معصوم لوگوں کی بددعائیں تمہیں جینے نہیں دیں گی۔ تم نے جان بوجھ کر پاکستان میں پانی چھوڑا، بھارتی میڈیا نے جس طرح رپورٹنگ کی، اس سے ان کے عزائم واضح نظر آتے تھے۔ مودی سرکار نے ہماری مساجد اور معصوم بچوں کو شہید کیا۔
یہ بھی پڑھیں: چین یکسر بدل چکا ، جیتا جاگتا معاشی معجزہ ہے:وزیراعلیٰ مریم نواز نے مشترکہ ورکنگ گروپ قائم کرنے کی تجویز دیدی
پاکستان کی دفاعی قوت
ہمیں پتہ ہے کہ ہمارا دفاع مضبوط ہاتھوں میں ہے۔ جن ممالک میں افواج مضبوط نہیں ہوتیں ان کی مثالیں موجود ہیں۔ ہم نے خود سے زیادہ بڑے ملک کو شکست دی۔ ہماری افواج نے دشمن کا غرور خاک میں ملا دیا ہے۔ شہداء کے اہلخانہ کے ساتھ اظہار یکجہتی کرتا ہوں، شہداء ہمارا فخر ہیں اور رہیں گے۔ آج افواج پاکستان کی وجہ سے ہم سکون کی نیند سوتے ہیں۔
یہ بھی پڑھیں: اسلام آباد کی عدالت میں دلچسپ صورتحال، ملزم کی جگہ اس کا دوست حاضری لگانے آیا اور گرفتار ہو گیا
مودی کی سازشیں اور معیشت
جیو نیوز کے مطابق، کامران ٹیسوری نے مزید کہا کہ عوام سمجھ چکے ہیں کہ مودی نے سازشوں کے انبار لگا دیئے ہیں۔ مودی پہلے تمہارے جہاز گرائے تھے، اب آئی ٹی ایکسپورٹ گرائیں گے۔ چند سالوں میں معرکہ معیشت منائیں گے۔ ساری جماعتیں آج ملک کی معیشت کے لیے ایک پیج پر ہیں۔ مودی، ہم تم سے لڑیں گے، تم ہماری تاریخ اٹھا کر دیکھ لو۔
بین الاقوامی تعلقات اور معیشت کی بہتری
ون ونڈو آپریشن ایس آئی ایف سی کے تحت جاری ہے۔ ترکیہ، چین، سعودی عرب، یو اے ای، قطر، آذربائیجان، روس کا شکریہ ادا کرنا چاہتا ہوں، یہ ممالک پاکستانی معیشت کی بہتری میں کردار ادا کر رہے ہیں۔ ہمیں معرکہ معیشت منانے سے کوئی نہیں روک سکتا۔
