افواجِ پاکستان قدرتی آفات میں بھی عوام کیساتھ سیسہ پلائی دیوار کی طرح کھڑی ہیں: حنا پرویز بٹ

یومِ دفاعِ پاکستان کی عظمت

لاہور (ڈیلی پاکستان آن لائن) مسلم لیگ (ن) کی رہنما اور چیئرپرسن پنجاب ویمن پروٹیکشن اتھارٹی حنا پرویز بٹ نے یومِ دفاعِ پاکستان کے موقع پر اپنے بیان میں کہا ہے کہ 6 ستمبر کا دن ہماری قومی تاریخ کا عظیم باب ہے جب افواجِ پاکستان نے پوری قوم کے شانہ بشانہ کھڑے ہو کر دشمن کے ناپاک عزائم کو خاک میں ملا دیا۔

یہ بھی پڑھیں: اپنا کماؤ ……اپنا کھاؤ“ وزیراعلیٰ مریم نواز نے تاریخ رقم کر دی، پنجاب میں 90 روز میں 57913 نئے کاروبار شروع ہونے کا ریکارڈ بن گیا

شہداء اور غازیوں کی قربانی

انہوں نے کہا کہ آج ہم اپنے شہداء اور غازیوں کو سلامِ عقیدت پیش کرتے ہیں جنہوں نے مادرِ وطن کی حفاظت کے لیے اپنی جانوں کا نذرانہ دیا۔ ان کی لازوال قربانیاں ہمیشہ ہمارے دلوں میں زندہ رہیں گی۔ وزیراعظم شہباز شریف کی قیادت میں ملک معاشی اور سماجی استحکام کی جانب بڑھ رہا ہے، جبکہ دفاعِ وطن کے معاملے میں پوری قوم کو فخر ہے کہ ہمارے پاس فیلڈ مارشل سید عاصم منیر جیسے بہادر، مدبر اور باصلاحیت سپہ سالار موجود ہیں۔

یہ بھی پڑھیں: پاکستان بھر میں جنوری سے نومبر 2025 تک صنفی بنیاد پر خواتین پر تشدد کے واقعات کی رپورٹ جاری

آپریشن بنیان مرصوص کی کامیابیاں

انہوں نے کہا کہ آپریشن بنیان مرصوص فیلڈ مارشل سید عاصم منیر کی غیر معمولی حکمتِ عملی اور بروقت فیصلوں کا ثبوت ہے، جس کے نتیجے میں نہ صرف چند گھنٹوں میں بھارت کی جارحیت کو شکستِ فاش دی گئی بلکہ اس کے جدید ترین دفاعی نظام جیسے S-400 کو تباہ کیا گیا اور ساتھ ہی رافیل جیسے مہنگے اور جدید ترین لڑاکا طیاروں کو بھی نشانہ بنا کر تباہ کیا گیا۔ یہ کامیابیاں پاکستان کی عسکری طاقت اور پیشہ ورانہ مہارت کا ثبوت ہیں، جن پر پوری قوم کو فخر ہے۔

یہ بھی پڑھیں: انسانی ذہن بہت ترقی کر گیا ہے، پرانے کھیل اور فارمولے دھرانے آسان نہیں ہیں، سلام ان پر بھی جو جان تو ہار گئے مگر انہوں نے سچ کا ساتھ نہ چھوڑا

بین الاقوامی سطح پر پاکستان کا مقام

حنا پرویز بٹ نے مزید کہا کہ فیلڈ مارشل سید عاصم منیر کی کامیاب عسکری قیادت کے ساتھ ساتھ ان کی دانشمندانہ خارجہ پالیسی نے پاکستان کو عالمی سطح پر غیرمعمولی مقام دلایا ہے۔ آج دنیا کی تمام بڑی طاقتیں پاکستان کے ساتھ کھڑی ہیں، جبکہ بھارت کو عالمی سطح پر رسوائی اور ناکامی کا سامنا ہے۔ افواجِ پاکستان صرف سرحدوں پر ہی نہیں بلکہ قدرتی آفات میں بھی عوام کے ساتھ سیسہ پلائی دیوار کی طرح کھڑی ہیں۔ حالیہ سیلاب کی صورتحال میں پاکستانی فوج کے جوان اپنی جانوں کو خطرے میں ڈال کر عوام کی جان و مال کی حفاظت کر رہے ہیں، متاثرہ خاندانوں کو محفوظ مقامات پر منتقل کر رہے ہیں، امداد پہنچا رہے ہیں اور خدمتِ خلق کی ایک نئی مثال قائم کر رہے ہیں۔ یہ جذبہ قربانی اور خدمت ہی پاکستان کی اصل طاقت ہے۔

آج کا عہد

انہوں نے کہا کہ آج کا دن اس عہد کی تجدید ہے کہ ہم شہداء کی قربانیوں کو یاد رکھتے ہوئے پاکستان کی ترقی، اتحاد اور خواتین و نوجوانوں کے محفوظ مستقبل کے لیے اپنی جدوجہد جاری رکھیں گے۔
پاکستان زندہ باد، افواجِ پاکستان پائندہ باد، شہداء کو سلام