سیلاب متاثرین کی امداد حضور ﷺ کی تعلیمات پر عملداری کا عملی نمونہ ہے: سہیل شوکت بٹ

عید میلاد النبی ﷺ کی مبارکباد

لاہور (ڈیلی پاکستان آن لائن) صوبائی وزیر سوشل ویلفیئر و بیت المال پنجاب سہیل شوکت بٹ نے عید میلاد النبی ﷺ اور یومِ دفاع پاکستان کے موقع پر قوم کو دلی مبارکباد پیش کی ہے۔ اپنے خاص پیغام میں انہوں نے کہا کہ آقائے دوجہاں حضرت محمد مصطفیٰ ﷺ کی ولادتِ باسعادت کا مقدس مہینہ ربیع الاول ہمیں سیرتِ طیبہ پر عمل کی یاد دہانی کراتا ہے۔ نبی کریم ﷺ نے انسانیت کی خدمت، ایثار، رواداری اور اخوت کا درس دیا، جس پر عمل پیرا ہو کر ہم ایک پرامن اور مثالی معاشرہ تشکیل دے سکتے ہیں۔

یہ بھی پڑھیں: لاہور میں 2ہزار روپے کے تنازع پر نوجوان قتل ہوگیا

سیلاب متاثرین کی امداد

سہیل شوکت بٹ نے کہا کہ حالیہ سیلاب متاثرین کی امداد اور خدمت دراصل حضور ﷺ کی تعلیمات پر عملداری کا عملی نمونہ ہے۔ ہمیں چاہیے کہ ہم ہر لمحہ ان اقدار کو اپنی زندگی کا حصہ بنائیں۔

یہ بھی پڑھیں: فرسٹ پنجاب ٹرانسپورٹ ایکسپو 2025 کا شاندار انعقاد، ملکی و غیرملکی کمپنیوں کی شرکت

یومِ دفاع پاکستان

یومِ دفاع پاکستان کے حوالے سے اپنے بیان میں انہوں نے کہا کہ 6 ستمبر ہماری تاریخ کا وہ دن ہے جو قومی اتحاد، قربانی اور جذبہ حب الوطنی کی روشن مثال ہے۔ پاک فوج اور عوام نے مل کر دشمن کے ناپاک عزائم کو ناکام بنایا اور وطن عزیز کا دفاع یقینی بنایا۔ آج بھی وہی جذبہ خدمت اور قربانی ہمارے دلوں میں زندہ ہے۔ وزیراعظم شہباز شریف اور وزیراعلیٰ مریم نواز کی قیادت میں صوبہ پنجاب اتحاد، ترقی اور خوشحالی کی راہ پر گامزن ہے۔

ختامی دعا

آخر میں انہوں نے پاکستان کی سلامتی، ترقی اور خوشحالی کے لیے دعا کرتے ہوئے "پاکستان زندہ باد" کا نعرہ بلند کیا۔