سیرتِ مصطفیٰﷺ کا پیغام اتحاد و اخوت اور خیر خواہی ہے: عالمی میلاد کانفرنس سےڈاکٹر طاہرالقادری، گورنر پنجاب اور دیگر رہنماؤں کا خطاب

عظیم الشان عالمی میلاد کانفرنس

لاہور(ڈیلی پاکستان آن لائن)منہاج القرآن انٹرنیشنل کے زیر اہتمام ایوان اقبال لاہور میں منعقدہ عظیم الشان عالمی میلاد کانفرنس سے شیخ الاسلام ڈاکٹر محمد طاہرالقادری نے ”سیرت نبوی ﷺکا اخلاقیاتی تجزیہ“ کے موضوع پر خطاب کرتے ہوئے کہا کہ سیرت مصطفیٰؐﷺ کا حسین ترین پیغام باہمی نفرتوں،کدورتوں کا خاتمہ، اتحاد و اخوت اور خیر خواہی ہے۔ولادت پاکﷺ کے ذریعے کائنات کی سب سے زیادہ حسین و جمیل صورت اور بعثت کے ذریعے کائنات کے افق پر عظیم الشان سیرت ظاہر ہوئی۔ آپ ﷺکی آمد سے انسانیت کا ایک ایسا کامل نقشہ ظاہر ہوا جسے اللہ رب العزت نے ابد الآباد تک اسوۂ حسنہ بنادیا۔ آپ ﷺکی محبت پر کائنات کا ہر کلمہ گو اور مکتب فکر یکسو اور یکجا ہے اور ہر مکتب فکر اپنے اپنے انداز کے ساتھ آقا کریم ﷺ کی محبت کا دم بھرتا ہے۔

یہ بھی پڑھیں: پنجاب میں دفعہ 144 کے نفاذ میں توسیع

مقررین کی آراء

مقررین نے عالمی میلاد کانفرنس کے انتظامی فنڈز سیلاب متاثرین کی مدد کیلئے خرچ کرنے کے شیخ الاسلام ڈاکٹر محمد طاہرالقادری کے اعلان کو بے حد سراہا۔ عالمی میلاد کانفرنس سے کانفرنس سے گورنر پنجاب سردار سلیم حیدر خان نے خطاب کرتے ہوئے کہا کہ حضور نبی اکرم ﷺ نے محبت ہماری سب سے بڑی قوت ہے۔ ہماری تمام تر کمزوریوں کے باوجود محبت رسولؐ کے صدقے اللہ ہمیں ہر آزمائش سے سرخرو کرتا ہے۔ انہوں نے عظیم الشان عالمی میلاد کانفرنس کے انعقاد اور بھرپور تیاریوں پر شیخ الاسلام ڈاکٹر طاہرالقادری، ڈاکٹر حسن محی الدین قادری، ڈاکٹر حسین محی الدین قادری، خرم نواز گنڈاپور اور ادارہ کے تمام منتظمین کو مبارکباد دی۔

یہ بھی پڑھیں: دل چاہتا ہے بڑی ہو کر سی ایم بنوں

جمعیت علمائے اسلام کا خطاب

سربراہ جمعیت علمائے اسلام (س) علامہ عبدالحق ثانی نے کانفرنس سے خطاب کرتے ہوئے کہا کہ میرے لئے سعادت مندی کی بات ہے کہ میں منہاج القرآن کی ولادت پاک کے موقع پر پرنور کانفرنس کا حصہ ہوں۔ امام الانبیاءﷺوجہ تخلیق کائنات ہیں، نبی اکرم ﷺکی محبت ایمان کا تقاضا ہے، وہ شخص مسلمان ہی نہیں ہو سکتا جس کا دل حضور نبی اکرم ﷺکی محبت سے لبریز نہ ہو۔ اس کانفرنس میں شرکت کی دعوت دینے پرمیں ڈاکٹر حسن محی الدین قادری اور قبلہ پروفیسر ڈاکٹر محمد طاہرالقادری کا تہہ دل سے مشکور و ممنون ہوں۔ منہاج القرآن دل کو جوڑنے کی تحریک اور بلاشبہ اُمت کی بقا اتحاد و یکجہتی میں ہے۔

یہ بھی پڑھیں: قوتِ گویائی سے محروم لڑکی پر کمرے میں بند کرکے تشدد؛ سیف سٹی نے اشارہ سمجھ کر بچا لیا

کینیڈا سے مہمان خصوصی کا پیغام

کینیڈا سے آئے ہوئے مہمان خصوصی شیخ احمد بدرہ نے اظہارخیال کرتے ہوئے کہا کہ پاکستان کے لوگ اسلام اور نبی کریم ﷺ سے محبت کرنے والے ہیں، شیخ الاسلام اور تحریک منہاج القرآن پوری دنیا میں امن و محبت کی خوشبوؤں بکھیر رہی ہے۔ مجھے پاکستان آ کر بے حد خوشی ہوئی، میری آنکھوں نے عالمی میلاد کانفرنس کی شکل میں آقاﷺ سے اظہار محبت کا ایک حسین منظر دیکھاہے۔

یہ بھی پڑھیں: سوئی ناردرن گیس کے حصے داران نے مالی سال 2023-24 کے لیے تاریخ کا بلند ترین 75 فیصد نقد مقسوم منظور کر لیا

ناظم اعلیٰ کی وضاحت

ناظم اعلیٰ خرم نواز گنڈاپورنے تمام مہمانانِ گرامی کاشکریہ ادا کیا اور کہا کہ سیلاب متاثرین کی مدد کے لئے عالمی میلاد کانفرنس کو مینار پاکستان سے ایوان اقبال منتقل کیا اور جو اخراجات کی مد میں بچت ہوئی ہے وہ تمام اخراجات سیلاب متاثرین کی مدد اور بحالی پر خرچ ہونگے۔

یہ بھی پڑھیں: دیکھتے ہیں کہ حکومت کتنے دن شہر کو بند رکھتی ہے، رہنما پی ٹی آئی رؤف حسن

علمائے کرام کی شرکت

چیئرمین رویت ہلال کمیٹی مولانا سید عبدالخبیر آزادنے عالمی میلاد کانفرنس سے خطاب کرتے ہوئے کہا کہ منہاج القرآن کی پوری قیادت کو شاندار کانفرنس کے اہتمام پر مبارکباد دیتا ہوں۔ میں شیخ الاسلام ڈاکٹر طاہرالقادری کو بھی سلام پیش کرتا ہوں جنہوں نے سیلاب متاثرین کے ساتھ اظہار یکجہتی کرتے ہوئے میلاد کانفرنس کو مینار پاکستان کی بجائے ایوان اقبال میں منعقد کیا اور انتظامی فنڈز متاثرین کی مدد کے لئے خرچ کرنے کااعلان کیا۔

یہ بھی پڑھیں: سڈنی فائرنگ واقعہ دہشتگردی قرار، حملہ آور باپ بیٹا نکلے، پولیس کا مزید ملزمان کی تلاش ختم کرنےکا اعلان

تحریک منہاج القرآن کا مشن

وائس چیئرمین مجلس وحدت المسلمین پاکستان علامہ سید اقبال رضوی، مفتی محمد زبیر فہیم صدر اتحاد المدارس العربیہ پاکستان نے خطاب کرتے ہوئے کہا کہ فی زمانہ تحریک منہاج القرآن نفرتوں کو ختم کرنے اور دلوں کو جوڑنے کا عظیم مصطفوی مشن لے کر چل رہی ہے۔ اُمت کو اتحاد و یکجہتی کی آج بہت ضرورت ہے۔ علمائے کرام کا علمی و فکری کردار اتحاداُمت کی اساس ہے۔

یہ بھی پڑھیں: لاہور: صلح کیلئے بلائی گئی پنچایت میں جھگڑا ، ایک شخص ہلاک

قرآنی تلاوت اور نذرانہ درود

منہاج القرآن کی سپریم کونسل کے چیئرمین پروفیسر ڈاکٹر حسن محی الدین قادری،صدر منہاج القرآن انٹرنیشنل پروفیسر ڈاکٹر حسین محی الدین قادری نے علمائے کرام و مشائخ عظام اور شرکائے عالمی میلاد کانفرنس کو ایوان اقبال لاہور میں خوش آمدید کہا۔ ایران سے آئے ہوئے مہمان قرأ استاذ القرآ حسنین جعفر حسن الھیلو، شیخ القرأ قاری حامد شاکر نژاد، فخر القرأ قاری سید جلال معصومی اورزینت القرأ قاری صالح مہدی زادہ نے رقت آمیز قرآن مجید کی تلاوت کر کے سماں باندھ دیا اور ایوان اقبال کا ہال اللہ اکبر کے نعروں سے گونجتا رہا۔ ثناء خوانِ مصطفیٰﷺ نے مترنم اور نہایت دلنشیں انداز میں گلہائے عقیدت پیش کئے۔

یہ بھی پڑھیں: سعودی عرب میں پاکستانی نوجوان عدیل احمد نے ایمانداری کی اعلیٰ مثال قائم کردی

مقررین کی حاضری

عالمی میلاد کانفرنس میں صاحبزادہ دیوان احمد مسعود چشتی، صاحبزادہ صوفی اسد اللہ شاہ نقیبی، پیر آف کوٹ مٹھن شریف خواجہ معین الدین محبوب کوریجہ، مخدوم پیر سید علی رضا گیلانی قادری، سید طاہر سجاد کاظمی، صاحبزادہ پیر سید علی رضا، پیر محمد طاہر نذیر نقشبندی، صاحبزادہ پیر محمد انور ڈوگر سیفی، صاحبزادہ پیر توصیف النبی، صاحبزادہ پرویز اکبر ساقی، صاحبزادہ پیر تبسم بشیر اویسی، علامہ مفتی ڈاکٹر ریاض احمد چشتی، صاحبزادہ احمد عاصم سلیم ہجویری، صاحبزادہ پیر سید دلبر حسین شاہ گیلانی، صاحبزادہ پیر محمد زاہد رضا نوری، صاحبزادہ پیر سید اصغر علی نقشبندی، صاحبزادہ پیر صوفی اطہر عباس صابری، صاحبزادہ پیر سید علی حیدر شاہ بخاری، پیر اختر رسول قادری، علامہ صاحبزادہ ڈاکٹر بدرمنیر سیفی نے شرکت کی۔

اختتام پر درود و سلام

سٹیج سیکرٹری کے فرائض نظامت ایجوکیشن اینڈ پروفیشنل ڈویلپمنٹ کے ڈائریکٹر حافظ سعید رضا بغدادی اور ان کی ٹیم نے انجام دئیے۔ عالمی میلاد کانفرنس کے اختتام پر حضور نبی اکرمﷺ کو نذرانہ درود و سلام پیش کیا گیا اور آمد مصطفیٰﷺ مرحبا مرحبا کے فلک شگاف نعرے لگائے گئے۔