تھنک ٹینک کی رپورٹ میں امریکہ کی ذہنی نوآبادیات بے نقاب

رپورٹ کا تعارف

کونمنگ(شِنہوا نیوز ایجنسی) چین کی شِنہوا نیوز ایجنسی سے منسلک تھنک ٹینک شِنہوا انسٹی ٹیوٹ نے "ذہن کی نوآبادیات- امریکی فکری جنگ کے طریقے، وجوہات اور عالمی خطرات" کے عنوان سے ایک رپورٹ جاری کی ہے۔ اس رپورٹ میں امریکہ کی ذہنی نوآبادیات کے تاریخی حقائق، اس کے پیچیدہ عملی نظام اور دنیا بھر پر اس کے دور رس نقصانات کا تفصیلی تجزیہ پیش کیا گیا ہے۔

یہ بھی پڑھیں: ڈاکٹر شفیق الرحمٰن تیسری مرتبہ امیرِ جماعتِ اسلامی بنگلہ دیش منتخب ہو گئے۔

رپورٹ کی پیشکش

یہ رپورٹ "گلوبل ساؤتھ میڈیا اینڈ تھنک ٹینک فورم 2025" کے دوران جاری کی گئی، جس میں تمام ممالک، خصوصاً گلوبل ساؤتھ سے تعلق رکھنے والے ممالک سے اپیل کی گئی ہے کہ وہ ذہنی غلامی کی زنجیروں کو توڑیں، ثقافتی خود اعتمادی بحال کریں اور تہذیبوں کا ایک متنوع نقشہ ترتیب دیں۔

یہ بھی پڑھیں: عمران خان کو سزا ہونا ممکن نہیں ،حکومت کی ساکھ خراب ہوچکی : اسد قیصر نے اگلی حکمت عملی بتا دی

ذہنی نوآبادیات کی تشریح

رپورٹ میں کہا گیا ہے کہ "ذہن کی نوآبادیات" ایک ایسی ذہنی بالادستی ہے جو عدم مساوات پر مبنی ہے اور اسی عدم مساوات کو برقرار رکھنے کے لئے استعمال کیا جاتا ہے۔ یہ بالادستی خاص طور پر لوگوں کی سوچ زبردستی بدلنا، بدنیتی پر مبنی چالاکی سے ذہن پر اثر انداز ہونا، ذہنوں میں چپکے سے نظریات ڈالنا اور آہستہ آہستہ سوچ کو کمزور کرنے کے طریقوں سے کی جاتی ہے۔

یہ بھی پڑھیں: فیصل آباد: نہروں میں نہانے کے دوران ہلاکتوں میں تشویشناک اضافہ

مختلف شعبوں میں امریکہ کی بالادستی

رپورٹ کے مطابق دنیا بھر میں امریکہ کی سیاسی، معاشی اور عسکری بالادستی اس کی نظریاتی نوآبادیات کے لئے سخت شرائط کا کام دیتی ہے جبکہ زبان و ثقافت، بیانیے، ذرائع ابلاغ اور علمی تحقیق جیسے شعبے اس کی نرم بنیاد کو تشکیل دیتے ہیں۔

یہ بھی پڑھیں: شہریار کا قرآن پاک کا حافظ ہونا مجھے سب سے زیادہ بھایا، وینا ملک کا انکشاف

تزویراتی منصوبہ بندی

رپورٹ میں مزید کہا گیا ہے کہ امریکہ کی ذہنی نوآبادیاتی سرگرمیاں واضح تزویراتی منصوبہ بندی اور مضبوط عملی بنیاد پر مبنی ہیں، جنہوں نے بتدریج ایک جامع نظام تیار کیا ہے جس میں تزویراتی نظام، تنظیمی نظام، اقدار کا نظام، پروپیگنڈا نظام، مواد کا نظام اور ٹیکنالوجی کا نظام شامل ہیں۔

یہ بھی پڑھیں: برطانوی وزیراعظم مشرق وسطیٰ کی صورتحال پر ’کوبرا وزارتی اجلاس‘ کی صدارت کریں گے

نئی ٹیکنالوجیز اور ان کے اثرات

رپورٹ میں خبردار کیا گیا ہے کہ جیسے جیسے مصنوعی ذہانت جیسی نئی ٹیکنالوجیز ترقی کر رہی ہیں، امریکہ کی ذہنی نوآبادیات کی کوششیں مزید خفیہ انداز میں اور زیادہ وسیع پیمانے پر جاری ہیں۔ اسی وجہ سے امن پسند اقوام کو مزید چوکنا اور محتاط رہنے کی ضرورت ہے۔

یہ بھی پڑھیں: بھارت کا پہلگام فالس فلیگ میں ناکامی کے بعد بلوچستان میں بڑی دہشت گردی کا منصوبہ بے نقاب

دنیا کی ترقی کے لئے خطرات

سیاسی، معاشی اور ثقافتی زاویوں سے رپورٹ یہ واضح کرتی ہے کہ امریکی ذہنی نوآبادیات نے دنیا کے امن اور ترقی کو کس قدر نقصان پہنچایا ہے۔

یہ بھی پڑھیں: کیا غریب افراد دل کی بیماریوں کا زیادہ سامنا کرتے ہیں؟

سنجیدہ اپیل

رپورٹ میں تمام ممالک سے اپیل کی گئی ہے کہ جھوٹی باتوں پر یقین کرنا چھوڑ دیں، ذہنی طور پر دوسروں پر انحصار نہ کریں اور خودمختار و آزاد ترقی کے راستے پر گامزن ہوں۔

یہ بھی پڑھیں: وزیراعلیٰ پنجاب مریم نواز کا پارلیمانی نظام کے عالمی دن پر پیغام جاری

تہذیبوں کا تصادم

رپورٹ میں یہ بھی کہا گیا ہے کہ تہذیبوں کا تصادم ان کے ملاپ سے تبدیل ہونا چاہیے، محاذ آرائیوں کی برف کو تبادلے اور باہمی سمجھ بوجھ سے پگھلایا جانا چاہیے۔

فورم کی شرکت

"گلوبل ساؤتھ کو بااختیار بنانا، عالمی تبدیلیوں کی رہنمائی کرنا" کے موضوع کے تحت گلوبل ساؤتھ میڈیا اینڈ تھنک ٹینک فورم 2025 میں 110 ممالک اور خطوں سے تعلق رکھنے والے 260 سے زائد میڈیا اداروں، تھنک ٹینکس اور حکومتی ایجنسیوں کے تقریباً 500 نمائندے شریک ہوئے، جن میں بین الاقوامی اور علاقائی تنظیمیں بھی شامل ہیں۔