عالمی برادری بھارتی آبی دہشت گردی روکنے میں ہمارا ساتھ دے: پاکستان

پاکستانی مندوب کا بیان

نیویارک(ڈیلی پاکستان آن لائن) اقوام متحدہ میں پاکستان کے مستقل مندوب عاصم افتخار نے پاکستان میں ہونے والے سیلاب کے نقصانات کا ذمہ دار بھارت کو قرار دیتے ہوئے عالمی برادری سے حمایت کا مطالبہ کردیا۔

یہ بھی پڑھیں: بھارت کی سیاست انگلینڈ کے ڈومیسٹک ٹورنامنٹ ’’دی ہنڈریڈ‘‘ کو بھی آلودہ کرنے لگی

سندھ طاس معاہدے پر اجلاس

نجی ٹی وی چینل دنیا نیوز کے مطابق اقوام متحدہ میں سندھ طاس معاہدے اور پاکستان کے آبی بحران کے مسائل اور لائحہ عمل کے موضوع پر اہم اجلاس ہوا۔ اجلاس سے خطاب کرتے ہوئے پاکستانی مندوب عاصم افتخار نے کہا کہ پاکستان میں سیلاب سے فصلیں تباہ ہوئیں اور لوگ بے گھر ہوئے، پانی کو بطور ہتھیار استعمال نہ کیا جائے۔

یہ بھی پڑھیں: جنگلات ماحول اورمعیشت کیلئے لائف لائن ہیں، عوام درخت ضرور لگائیں: وزیر اعلیٰ مریم نواز

عالمی برادری کی حمایت کی ضرورت

انہوں نے کہا کہ ہمیں یقین ہے کہ اس موقع پر عالمی برادری ہمارے ساتھ کھڑی ہوگی، موجودہ دور میں واٹر سکیورٹی اہم چیلنج ہے۔ انہوں نے یہ بھی کہا کہ بھارت کے سندھ طاس معاہدے جیسے اقدامات نے عالمی یقین دہانیوں کی ساکھ کو نقصان پہنچایا ہے، قانون کے تحت بھارت سندھ طاس معاہدے کے تحت ڈیٹا شیئر کرنے کا پابند ہے۔

یہ بھی پڑھیں: وفاقی دارالحکومت میں سرکاری مکانات ختم کرنے کی تجویز آ گئی

اسرائیلی جارحیت کی مذمت

انہوں نے کہا کہ اسرائیل نے قطر پر بلا اشتعال حملہ کیا، اسرائیلی جارحیت عالمی قوانین کی خلاف ورزی ہے، اسرائیل نے دانستہ طور پر مذاکرات میں ثالث پر حملہ کیا، قطر پر اسرائیلی حملے کی مذمت کرتے ہیں، پاکستان مسئلہ فلسطین کے دوریاستی حل کی حمایت کرتا ہے۔

یہ بھی پڑھیں: فیونرل ہوم میں سڑتی ہوئی 18 انسانی لاشیں ملنے پر امریکہ میں ہنگامہ

اجلاس کے دوران رد عمل

قطر پر ہنگامی اجلاس کے دوران اسرائیلی نمائندے کے ریمارکس کے جواب میں پاکستان کے مستقل مندوب سفیر عاصم افتخار احمد نے مدلل اور بھرپور جواب دیتے ہوئے کہا کہ اسرائیل کے نمائندے نے شاید آج کی بحث میں تمام کونسل اراکین اور دیگر مقررین کی بات توجہ سے نہیں سنی۔

یہ بھی پڑھیں: افغان بولر نوین الحق نے ایسا اوور کروا دیا کہ شائقین کرکٹ دنگ رہ گئے

اسرائیل کی توہین

انہوں نے واضح کیا کہ ہماری رائے میں یہ ناقابل قبول بلکہ مضحکہ خیز ہے کہ ایک جارح، ایک قابض، اقوامِ متحدہ کے چارٹر اور بین الاقوامی قانون کا مسلسل خلاف ورزی کرنے والا ملک یعنی اسرائیل اس ایوان کا غلط استعمال کرے اور اس کونسل کے تقدس کی توہین کرے۔

یہ بھی پڑھیں: لکی مروت، سیمنٹ فیکٹری کی گاڑی کو بارود سے اُڑا دیا گیا، جانی نقصان

غلط الزامات اور حقائق

یہ بھی کہا کہ یہ پہلا موقع نہیں ہے دوسروں پر انگلیاں اٹھانا اور بے بنیاد الزامات لگانا دراصل اپنی ہی غیر قانونی کارروائیوں اور بین الاقوامی قانون کی خلاف ورزیوں کو چھپانے کی ایک کوشش ہے، لیکن یہ قطعاً حیران کن نہیں ہے، یہ ایک قابض ہے جو کسی کی نہیں سنتا؛ کسی کی نصیحت کو اہمیت نہیں دیتا، حتیٰ کہ اپنے دوستوں کی بھی، اگر اب کوئی باقی بچے ہوں۔

یہ بھی پڑھیں: ہم نے خاص و عام کے چکر میں ملک کا کیا حال کر دیا ہے، پسینے چھوٹ رہے تھے، ڈچ خاتون افسر نے ایسی بات کہہ ڈالی جو آج بھی ذہن سے نکل نہیں سکی

اسرائیل کے دھمکیاں

عاصم افتخار نے مزید کہا کہ اسرائیل تردید کرتا ہے، بلکہ صرف تردید ہی نہیں کرتا بلکہ بین الاقوامی برادری کے اراکین، بین الاقوامی میڈیا، انسانی حقوق اور انسانی ہمدردی کی تنظیموں کو دھمکاتا ہے، یہ عالمی عدالتِ انصاف اور عالمی فوجداری عدالت کی بھی نہیں سنتا، اور اقوامِ متحدہ اور اس کے اعلیٰ عہدیداروں کو بھی دھمکاتا ہے؛ اور یہ سب کچھ وہ بلا خوف و خطر کرتا ہے۔

یہ بھی پڑھیں: روس کی جوہری کمپنی نے بوشہر پاور پلانٹ سے اپنے عملے کے مزید 198 افراد کو نکال لیا

بین الاقوامی برادری کی توجہ

واضح رہے کہ اسرائیل کے حامی، جو بار بار اس کی غیر قانونی کارروائیوں اور بین الاقوامی برادری کی توہین پر آنکھیں بند کرتے ہیں، اسے ڈھال فراہم کرتے ہیں، اور ہر قابض کی طرح، باوجود اس کے کہ وہ خود جارح ہے، یہ مظلوم بننے کا ڈھونگ رچاتا ہے۔ لیکن آج یہ پوری طرح بے نقاب ہو چکا ہے۔

یہ بھی پڑھیں: ایران نے دوبارہ جوہری تنصیبات کی تعمیر کا اعلان کردیا

پاکستان کا مؤقف

پاکستانی مندوب نے واشگاف کہا کہ اسرائیل نے ایک غیر متعلقہ واقعے کا حوالہ دینا بھی ضروری سمجھا اور پاکستان کے بارے میں گمراہ کن ریمارکس دیے تاکہ اپنی ہی غیر قانونی کارروائیوں اور بین الاقوامی قانون کی خلاف ورزیوں کو درست ثابت کر سکے، اس واقعے پر پاکستان کا مؤقف واضح طور پر بیان کیا جا چکا ہے اور یہ عوامی سطح پر موجود ہے، بین الاقوامی برادری اچھی طرح جانتی ہے کہ دہشت گردی کے خلاف عالمی جنگ میں پاکستان نے صفِ اوّل کا کردار ادا کیا اور بے شمار قربانیاں پیش کیں۔

یہ بھی پڑھیں: سہولت بازار پراجیکٹ سے 55 ہزار خاندانوں کے گھروں میں چولہا جلنے لگا، 9200 افراد کو روزگار ملا، 1 سال میں کتنے کروڑ افراد نے خریداری کی؟ جانیے

عالمی تسلیم کردہ کوششیں

انہوں نے کہا کہ پوری دنیا، بشمول ہمارے شراکت داروں کے، اس حقیقت کو تسلیم کرتی ہے کہ پاکستان کی انسدادِ دہشت گردی کی کاوشوں کے نتیجے میں القاعدہ بڑی حد تک ختم کر دی گئی، اور ہم اس عالمی اجتماعی جدوجہد میں پرعزم رہے ہیں۔

خلاصہ

پاکستان نے سلامتی کونسل پر واضح کیا کہ ہم کسی غیر ذمہ دار بدنامِ زمانہ ریاست کی اشارہ بازی کو قبول نہیں کر سکتے، وہ ریاست جو دراصل بدترین ریاستی دہشت گردی کی مرتکب ہے جسے ہم غزہ میں دیکھ رہے ہیں، بلکہ دہائیوں سے مقبوضہ فلسطینی علاقوں میں دیکھ رہے ہیں.