اسرائیل کی جانب سے قطر کو نشانہ بنانا امن مذاکرات سبوتاژ کرنے کی کوشش ہے: ترجمان دفتر خارجہ

پاکستان کی قطر کی اسرائیلی جارحیت کی مذمت

اسلام آباد (ڈیلی پاکستان آن لائن) ترجمان دفتر خارجہ شفقت علی خان نے کہا ہے کہ قطر پر اسرائیلی حملہ عالمی قوانین کی کھلی خلاف ورزی ہے، پاکستان قطر پر اسرائیلی جارحیت کی شدید مذمت کرتا ہے۔ وزیراعظم نے اسرائیلی اشتعال انگیزی کے خلاف امت مسلمہ کے متحد ہونے پر زور دیا۔

یہ بھی پڑھیں: طلباء میں لیپ ٹاپس کی تقسیم کی پہلی تقریب لاہور میں کب ہوگی؟ وزیر تعلیم نے بتا دیا

قطر سے اظہار یکجہتی

اسلام آباد میں ہفتہ وار میڈیا بریفنگ کے دوران ترجمان دفتر خارجہ شفقت علی خان نے کہا کہ وزیراعظم نے اسرائیلی جارحیت کے خلاف قطر سے اظہار یکجہتی کی خاطر دوحہ کا ہنگامی دورہ کیا۔ پاکستانی قوم برادر ملک قطر کے شانہ بشانہ کھڑی ہے۔ پاکستان اور قطر ہمیشہ ایک دوسرے کے ساتھ ہر مشکل وقت میں کھڑے رہے ہیں۔ وزیراعظم نے قطری قیادت کو پاکستان کی مکمل حمایت اور یکجہتی کا یقین دلایا۔

یہ بھی پڑھیں: بھارتی شہری نے تاج Mahal کی وراثت کا دعویٰ کردیا

سلامتی کونسل کا ہنگامی اجلاس

انہوں نے مزید کہا کہ پاکستان اور صومالیہ کی درخواست پر سلامتی کونسل کا ہنگامی اجلاس بلایا گیا۔ پاکستان غزہ میں اسرائیلی بربریت کی بھی مذمت کرتا ہے اور تنازع فلسطین کا حل اقوام متحدہ کی قراردادوں کے مطابق چاہتا ہے۔ اسرائیل کی جانب سے ثالث ملک قطر کو نشانہ بنانا، امن مذاکرات سبوتاژ کرنے کی کوشش ہے۔

پاکستان اور قازقستان کے درمیان تعلقات

ترجمان نے بیان دیا کہ قازقستان کے نائب وزیراعظم اور وزیر خارجہ نے پاکستان کا اہم دورہ کیا، جہاں پاکستان اور قازقستان نے مختلف شعبوں میں تعاون بڑھانے پر اتفاق کیا۔