قطر: عرب اسلامی وزرائے خارجہ کا اجلاس آج، اسحاق ڈار نمائندگی کریں گے

دوحہ میں ہنگامی عرب اسلامی سربراہی اجلاس کی تیاری

دوحہ(ڈیلی پاکستان آن لائن) قطر کے دارالحکومت دوحہ میں ہنگامی عرب اسلامی سربراہی اجلاس کی تیاری کے لیے وزرائے خارجہ کا اجلاس آج ہو گا جس میں وزیر خارجہ اسحاق ڈار بھی شرکت کریں گے۔

یہ بھی پڑھیں: ڈاکٹر محمد طاہر القادری کی 4 نئی کتب کی تقریب رونمائی، تحقیق کے دروازے بند کرنے والی قومیں زوال کا شکار ہو جاتی ہیں: مقررین کا تقریب سے خطاب

اسرائیلی حملے کے خلاف قرارداد

نجی ٹی وی چینل دنیا نیوز کے مطابق قطر کی وزارت خارجہ نے کہا ہے کہ عرب اور اسلامی وزرائے خارجہ کے اجلاس میں خلیجی ریاست کے خلاف اسرائیلی حملے کے حوالے سے قرارداد پیش کی جائے گی۔

یہ بھی پڑھیں: اسلام آباد میں ہنی ٹریپ کے ذریعے نابالغ بچوں کو پھانسنے والا ملزم گرفتار

اجلاس کی اہمیت

وزارت خارجہ کے ترجمان ماجد بن محمد الانصاری نے کہا کہ دوحہ میں ہونے والے ہنگامی عرب اسلامی سربراہی اجلاس میں خلیجی ریاست کے خلاف اسرائیلی حملے کے حوالے سے ایک قرارداد کے مسودے پر تبادلۂ خیال کیا جائے گا، یہ قرارداد سربراہی اجلاس سے قبل اتوار کو منعقد ہونے والے عرب اور اسلامی وزرائے خارجہ کے اجلاس میں پیش کی جائے گی۔

یہ بھی پڑھیں: اسلام آباد ہائی کورٹ کے مستقل ہونے والے تین ججز نے حلف اٹھا لیا

عرب اسلامی یکجہتی کی عکاسی

وزارت خارجہ کے ترجمان ماجد بن محمد الانصاری نے کہا کہ اس وقت عرب اسلامی سربراہی اجلاس کا انعقاد اپنی اہمیت رکھتا ہے، کیونکہ یہ بزدلانہ اسرائیلی جارحیت کا مقابلہ کرنے کے لیے قطر کی ریاست کے ساتھ وسیع عرب اور اسلامی یکجہتی کی عکاسی کرتا ہے۔

یہ بھی پڑھیں: فضائی حدود کی بندش، بھارتی ائیرلائنز کو روزانہ کتنا نقصان ہو رہا ہے؟ تفصیل سامنے آ گئی

شرکت کرنے والے رہنما

واضح رہے کہ عرب اسلامی ہنگامی سربراہی اجلاس کل ہو گا جس میں پاکستان کے وزیراعظم شہباز شریف بھی شرکت کریں گے۔ ادھر سعودی وزیر خارجہ شہزادہ فیصل بن فرحان بن عبداللہ دوحہ اجلاس میں شرکت کرنے کے لیے قطر پہنچ گئے ہیں۔

یہ بھی پڑھیں: بشریٰ بی بی کچھ دیر بنی گالا قیام کے بعد پشاور روانہ، نجی ٹی وی کا دعویٰ

پاکستان کی نمائندگی

دوسری طرف پاکستان کے ترجمان دفتر خارجہ نے بتایا ہے کہ عرب اسلامی سربراہی اجلاس سے قبل 14 ستمبر کو وزرائے خارجہ کا اجلاس منعقد ہوگا جس میں ڈپٹی وزیراعظم و وزیرِ خارجہ سینیٹر اسحاق ڈار پاکستان کی نمائندگی کریں گے۔

یہ بھی پڑھیں: ٹریفک حادثے میں موٹروے پولیس کے 3 افسران جاں بحق، وزیر اعلیٰ مریم نواز کا اظہار افسوس

وزیراعظم کا دورہ قطر

وزیرِاعظم شہباز شریف 15 ستمبر کو قطر کے دارالحکومت دوحہ میں ہونے والے ہنگامی عرب اسلامی سربراہی اجلاس میں شرکت کریں گے۔ دفتر خارجہ نے کہا ہے کہ پاکستان، قطر کے ساتھ اپنے تعلقات کو انتہائی اہمیت دیتا ہے اور قطر سمیت خطے کے دیگر ممالک پر اسرائیلی جارحیت کی شدید مذمت کرتا ہے۔