India’s ₹25 Toilet Tax Sparks Outrage

ہماچل پردیش میں ٹوائلٹ ٹیکس کا ہنگامہ

نئی دہلی(ڈیلی پاکستان آن لائن) بھارت کی ریاست ہماچل پردیش میں 25 روپے ٹوائلٹ ٹیکس عائد کیے جانے پر ہنگامہ مچ گیا ہے۔

یہ بھی پڑھیں: لاہور میں 13 سالہ گھریلوملازمہ پر تشدد، مالک اور رشتہ دار گرفتار

وزیر اعلیٰ کی وضاحت

بھارتی میڈیا رپورٹس کے مطابق ہماچل پردیش کے وزیر اعلیٰ سکھویندر سنگھ سکھو نے جمعہ کے دن ان اطلاعات کی سختی سے تردید کی کہ ریاست میں 25 روپے ٹوائلٹ ٹیکس عائد کیا جا رہا ہے۔

وزیر اعلیٰ نے وضاحت کی کہ فی فیملی 100 روپے واٹر کنکشن کے چارجز عائد کیے جا رہے ہیں اور یہ لازمی بھی نہیں ہیں، جب کہ ٹوائلٹ ٹیکس نام کی کوئی چیز نہیں ہے۔
رپورٹس کے مطابق ریاست میں یہ افواہ پھیل گئی ہے کہ حکومت شہری علاقوں میں رہنے والوں کے مکانوں پر 25 روپے ٹوائلٹ ٹیکس عائد کر رہی ہے۔ حکومت نے جمعرات کے دن اعلامیہ جاری کیا تھا کہ شہریوں سے واٹر اور سیوریج بل وصول کیا جائے گا، 100 روپے کے واٹر چارجز میں 25 فی صد ٹوائلٹ ٹیکس ہوگا۔

بی جے پی کی تنقید

اس اقدام پر بی جے پی نے شدید تنقید کی، اور مرکزی وزرا نے ریاست کی کانگریس حکومت کو نشانہ بنایا۔ دوسری طرف وزیر اعلیٰ نے کہا کہ 100 روپے کے چارجز لازمی نہیں ہیں، بڑے ہوٹلوں کو اس کے دائرہ میں لایا گیا ہے۔