سوشل میڈیا سٹار احمد شاہ کا چھوٹا بھائی عمر انتقال کرگیا
احمد شاہ کے چھوٹے بھائی عمر شاہ کا انتقال
کراچی(ڈیلی پاکستان آن لائن) پاکستان کے سوشل میڈیا سٹار احمد شاہ کے چھوٹے بھائی عمر شاہ انتقال کرگئے۔
ٹی وی ٹرانسمیشن میں شرکت
نجی ٹی وی چینل جیو نیوز کے مطابق عمر شاہ کو اپنے بڑے بھائی احمد کے ہمراہ نجی ٹی وی چینل سے نشر ہونے والی رمضان ٹرانسمیشن میں دیکھا جاتا تھا اور عمر کے کئی کلپس بھی سوشل میڈیا پر وائرل ہوتے تھے۔
انتقال کی خبر
پیر کی صبح احمد شاہ کے مصدقہ فیس بک اکاؤنٹ پر عمر کے انتقال کی افسوسناک خبر شیئر کی گئی۔
پوسٹ میں انتقال کی وجہ نہیں بتائی گئی البتہ چاہنے والوں نے اس خبر پر احمد سے تعزیت کی۔
سرجری کی تفصیلات
واضح رہے کہ گزشتہ برس جولائی میں عمر کی آنکھوں کی موتیا سرجری ہوئی تھی تاہم عمر کے انتقال کی وجہ تاحال معلوم نہیں ہوسکی۔
