سیلابی صورتحال اور بارشوں کے باعث محکمہ موسمیات نے ڈینگی الرٹ جاری کردیا

ڈینگی الرٹ جاری

لاہور(ڈیلی پاکستان آن لائن) سیلابی صورتحال اور بارشوں کے باعث محکمہ موسمیات نے ڈینگی الرٹ جاری کردیا۔

یہ بھی پڑھیں: قتل کیس کے سزایافتہ قیدی کی بانی پی ٹی آئی جیسی سہولیات کی درخواست، اسلام آباد ہائیکورٹ نے جیل سپرنٹنڈنٹ سمیت دیگر فریقین کو نوٹس جاری کردیئے۔

شہروں میں ڈینگی پھیلنے کا خدشہ

نجی ٹی وی سما نیوز کے مطابق محکمہ موسمیات کا کہنا ہے کہ سیلابی صورتحال کے باعث کراچی، لاہور، اسلام آباد، فیصل آباد، سیالکوٹ، راولپنڈی، پشاور میں ڈینگی پھیلنے کا خدشہ ہے۔ سکھر، حیدرآباد، ملتان سمیت سیلاب متاثرہ علاقوں میں ڈینگی وائرس بڑے پیمانے پر لوگوں کو متاثر کرسکتا ہے۔

یہ بھی پڑھیں: وزیر اعلیٰ خیبر پختونخوا نے مخصوص نشستوں پر حلف برداری کے خلاف پٹیشن دائر کرنے کا فیصلہ کر لیا

سیلابی پانی اور مچھر کی افزائش

محکمہ موسمیات کا کہنا ہے کہ مون سون اور دریاؤں کے بہاؤ اور پانی چھوڑے جانے کے باعث سیلابی صورتحال کا سامنا ہے۔ سیلابی پانی اور ناقص نکاسی آب کے باعث ڈینگی مچھر کو افزائش کے لیے ماحول مل رہا ہے۔

احتیاطی اقدامات

ڈینگی وائرس پر کنٹرول کرنے والے ادارے، وزارتیں، ضلعی انتظامیہ ہائی الرٹ پر رہیں، ہسپتالز ڈینگی کے حوالے سے اپنے انتظامات کو ہر لحاظ سے مکمل رکھیں۔