عمران خان ڈیل نہیں کریں گے، سر اٹھا کر واپس آئیں گے: سلمان اکرم راجہ

سلمان اکرم راجہ کی پریس کانفرنس

لاہور(ڈیلی پاکستان آن لائن) تحریک انصاف کے سیکرٹری جنرل سلمان اکرم راجہ نے کہا ہے کہ عمران خان ڈیل نہیں کریں گے اور سر اٹھا کر واپس آئیں گے۔

یہ بھی پڑھیں: آج پوری دنیا میں قیدیوں کے لیے دروازے کھلیں گے لیکن عمران خان کے لیے نہیں، یہ ظلم ہے اور اس سے حالات خراب ہوں گے، بیرسٹر گوہر

کومن ویلتھ رپورٹ پر تبصرہ

نجی ٹی وی چینل دنیا نیوز کے مطابق لاہور پریس کلب میں پریس کانفرنس کرتے ہوئے سلمان اکرم راجہ نے کہا کہ کامن ویلتھ رپورٹ کے مطابق 90 سے 95 حلقوں میں فارم 45 اور 46 میں بڑا فرق سامنے آیا ہے جس سے الیکشن پر حملہ ہوا، ہیرا پھیری برسر اقتدار پارٹی کے حق میں ہوئی ہے۔

یہ بھی پڑھیں: امریکی شہریوں کو غیر قانونی حراست میں رکھنے والے ممالک پر پابندیاں لگیں گی: ٹرمپ نے حکم نامے پر دستخط کردیئے۔

آئین پر حملے کی مذمت

انہوں نے کہا کہ ساری دنیا کہہ رہی ہے کہ آئین پر حملہ ہوا ہے جو باعث شرم ہے، آئین میں غیر قانونی ترامیم واپس کرائیں گے، پارلیمان کو بری طرح مفلوج کردیا گیا ہے اورعدالتی نظام کو سیاسی حربے کے طور پر استعمال کیا جا رہا ہے۔

پارٹی کے فیصلے کی اہمیت

سلمان اکرم راجہ کا کہنا تھا کہ اسمبلی میں کب تک بیٹھنا ہے، فیصلہ پارٹی کے بانی کریں گے، عمران خان ڈیل نہیں کریں گے اور سر اٹھا کر واپس آئیں گے۔