اسلام آباد ہائیکورٹ کے جسٹس طارق محمود جہانگیری کو جوڈیشل ورک سے روک دیا گیا
اسلام آباد ہائیکورٹ کا فیصلہ
اسلام آباد(ڈیلی پاکستان آن لائن) اسلام آباد ہائیکورٹ کے جسٹس طارق محمود جہانگیری کو جوڈیشل ورک سے روک دیا گیا۔ جسٹس طارق محمود جہانگیری کو سپریم جوڈیشل کونسل کے فیصلے تک بطور جج کام سے روکنے کا حکم دیا گیا۔
یہ بھی پڑھیں: شہد کی مکھیوں سے لدے ٹرک کے خفیہ خانوں سے منشیات برآمد
سماعت کی تفصیلات
نجی ٹی وی چینل جیو نیوز کے مطابق چیف جسٹس سردار سرفراز ڈوگر اور جسٹس اعظم خان پر مشتمل ڈویژن بنچ نے سماعت کی۔ ڈویژن بنچ نے میاں داؤد کی درخواست پر آج کی سماعت کا تحریری حکم نامہ جاری کردیا۔
عدالتی معاونت
عدالت نے سینئر قانون دان بیرسٹر ظفر اللہ خان اور اشتر علی اوصاف کو عدالتی معاون مقرر کر دیا اور اٹارنی جنرل سے درخواست کے قابل سماعت ہونے پر معاونت طلب کر لی۔
