یونیورسٹی آف لاہور کے زیر اہتمام ’’پریمیئر لیگ‘‘ کی افتتاحی تقریب، وزیر خزانہ مجتبیٰ شجاع الرحمان کی بطور مہمان خصوصی شرکت

صوبائی وزیر خزانہ پنجاب کی شمولیت

لاہور (ڈیلی پاکستان آن لائن) صوبائی وزیر خزانہ پنجاب مجتبیٰ شجاع الرحمان نے آج یونیورسٹی آف لاہور کے زیر اہتمام منعقدہ ’’پریمیئر لیگ‘‘ کی افتتاحی تقریب میں بطور مہمانِ خصوصی شرکت کی۔

یہ بھی پڑھیں: 5 اکتوبر احتجاج کیس: علیمہ خان اور شیر شاہ کی عبوری ضمانت میں توسیع

پریمیئر لیگ کا افتتاح

جہاں انہوں نے پریمئیر لیگ میں حصہ لینے والی ٹیموں کا معائنہ کیا اور کھلاڑیوں کی حوصلہ افزائی کرتے ہوئے پریمیئر لیگ کے انعقاد کو بین الاقوامی سطح پر شناخت کا بہترین موقع قرار دیا۔

یہ بھی پڑھیں: مریم نواز شریف کا حالیہ دورہ جاپان انتہائی کامیاب رہا، مستقبل قریب میں مثبت اثرات ظاہر ہوں گے، شیخ قیصر محمود

شرکت کا جوش و خروش

تقریب میں طلباء و طالبات، اساتذہ اور مختلف شعبہ ہائے زندگی سے تعلق رکھنے والی شخصیات کی بڑی تعداد نے شرکت کی۔

یہ بھی پڑھیں: کراچی کے ہوٹلوں، فاسٹ فوڈ اور بریانی سینٹرز پر مردہ مرغیوں کے گوشت کی سپلائی کا انکشاف

کھیلوں کا کردار

صوبائی وزیر خزانہ نے تقریب سے خطاب کرتے ہوئے کہا کہ صحت مند معاشرے کی تشکیل میں کھیلوں کا کردار کلیدی اہمیت کا حامل ہے۔ کھیل نوجوانوں کی جسمانی صحت کے ساتھ ساتھ ان کی شخصیت سازی اور کردار کی تعمیر میں بھی اہم کردار ادا کرتے ہیں۔ نوجوان نسل میں شدت پسندی اور جارحیت پر قابو پانے کے لیے کھیلوں سے بہتر کوئی ذریعہ نہیں۔

یہ بھی پڑھیں: برطانوی بادشاہ چارلس پاکستان کا دورہ کرنے کے خواہاں، میاں منشا کا حیران کن بیان سامنے آیا

یونیورسٹی آف لاہور کو مبارکباد

میاں مجتبیٰ شجاع الرحمان نے ’’پریمیئر لیگ‘‘ کے آغاز پر یونیورسٹی آف لاہور کو مبارکباد پیش کرتے ہوئے کہا کہ یہ ایونٹ نوجوان کھلاڑیوں کو اپنی صلاحیتیں منوانے اور آگے بڑھنے کا بہترین موقع فراہم کرے گا۔ یونیورسٹی آف لاہور کھیلوں کے فروغ میں ہمیشہ مثبت کردار ادا کرتی رہی ہے اور ’’پریمیئر لیگ‘‘ اس روایت کا روشن ثبوت ہے۔

یہ بھی پڑھیں: 6 ممالک کے سفرا نے صدر مملکت کو اسناد سفارت پیش کر دیں

صوبائی حکومت کے اقدامات

وزیر خزانہ نے کہا کہ وزیر اعلیٰ پنجاب مریم نواز کی قیادت میں صوبائی حکومت کھیلوں کے فروغ کے لیے انقلابی اقدامات کر رہی ہے۔ سکولوں میں کھیل کے میدانوں کی بحالی، جدید سہولیات کی فراہمی اور قومی و بین الاقوامی سطح پر مقابلوں کا انعقاد حکومت کا عزم ہے تاکہ نوجوانوں کو اپنی صلاحیتیں اجاگر کرنے کا وسیع پلیٹ فارم مل سکے۔

یہ بھی پڑھیں: خیبر پختونخوا حکومت کی سرکاری ملازمین کو ڈسپریٹی الاؤنس دینے کی یقین دہانی

بین الاقوامی مواقع

مریم نواز کی قیادت میں صوبے کے کھلاڑیوں کو عالمی سطح پر کھیلنے کے مواقع فراہم کیے جا رہے ہیں جو یقیناً نوجوانوں کے لیے حوصلہ افزا اور تاریخی قدم ہے۔

نوجوانوں میں مثبت خصوصیات کی نشوونما

اپنے خطاب کے اختتام پر صوبائی وزیر خزانہ نے کہا کہ کھیلوں کے فروغ سے نوجوانوں میں برداشت، ٹیم ورک اور قیادت جیسی صلاحیتیں پروان چڑھتی ہیں جو ایک بہتر اور ترقی یافتہ معاشرے کی بنیاد رکھتی ہیں۔ انہوں نے مزید کہا کہ جامعہ کی سطح پر منعقد ہونے والے اس طرح کے ایونٹس نہ صرف طلباء و طالبات کی شخصیت سازی میں مددگار ہوتے ہیں بلکہ ملک و قوم کے روشن مستقبل کی ضمانت بھی ہیں۔