تربت سے کراچی جانے والی سیکیورٹی کمپنی کی گاڑی سے مسلح افراد نے 22 کروڑ روپے لوٹ لیے

کراچی میں سیکیورٹی کمپنی کی گاڑی سے ڈکیتی

کراچی (ڈیلی پاکستان آن لائن) بلوچستان کے ضلع تربت سے کراچی جانے والی سیکیورٹی کمپنی کی گاڑی سے مسلح افراد نے 22 کروڑ روپے لوٹ لیے۔

یہ بھی پڑھیں: ایسا کوئی قانون نہیں ہوگا جس سے صوبوں کا اختیار کم ہوگا: ایمل ولی خان

واقعہ کی تفصیلات

ڈان نیوز کے مطابق، پولیس حکام نے بتایا کہ تربت سے کراچی جانے والی سیکیورٹی کمپنی کی گاڑی کو دشت کھڈان کراس کے مقام پر نامعلوم مسلح افراد نے روک کر بھاری رقم لوٹ لی۔

یہ بھی پڑھیں: پشاور، ماں، بیٹے اور بہو کے لرزہ خیز قتل کا معمہ حل، 2 ملزمان گرفتار

ڈکیتی کی رقم

ڈکیتی کی اس بڑی واردات میں مجموعی طور پر 22 کروڑ 5 لاکھ روپے کی رقم مسلح افراد لے اڑے۔ یہ واقعہ ایم ایٹ شاہراہ پر پیش آیا جو تربت سے گوادر جانے والی مرکزی سڑک ہے، جہاں عام دنوں میں ٹریفک کا رش رہتا ہے۔

قانون نافذ کرنے والے اداروں کی کارروائی

اطلاع ملنے پر قانون نافذ کرنے والے ادارے جائے وقوع پر پہنچ گئے اور علاقے کو گھیرے میں لے کر سرچ آپریشن شروع کر دیا۔