بھارتی ریاستوں اتراکھنڈ اور ہماچل پردیش میں شدید بارشیں اور لینڈ سلائیڈنگ ،18 افراد ہلاک

بھار ت میں شدید بارشوں کے نتیجے میں جانی نقصان

نئی دہلی (مانیٹرنگ ڈیسک) بھارت کی ریاستوں اتراکھنڈ اور ہماچل پردیش میں شدید بارشوں اور لینڈ سلائیڈنگ کے واقعات میں کم از کم 18 افراد موت کے منہ میں چلے گئے۔

یہ بھی پڑھیں: پاکستانی بندرگاہوں پر میری ٹائم سیکیورٹی ہائی الرٹ

اتراکھنڈ میں لینڈ سلائیڈنگ کا واقعہ

’’جنگ‘‘ نے بھارتی میڈیا کے حوالے سے بتایا کہ اتراکھنڈ میں شدید بارشوں اور کلاؤڈ برسٹ کے بعد لینڈ سلائیڈنگ کے واقعات ہوئے جس کے نتیجے میں 15 افراد ہلاک ہوگئے جبکہ تاحال 16 لاپتہ ہیں۔ شہر دیہرہ دون کے علاقے سہاسترادھارا میں پانی کا ریلہ کئی دکانیں، سڑکیں اور مکانات بہا لے گیا۔ شہری علاقوں میں مواصلات میں تعطل ہے اور ٹرین سروس بھی متاثر ہوئی ہے۔

پچھلے ماہ کی تباہی

واضح رہے کہ گزشتہ ماہ بھی کلاؤڈ برسٹ نے اتراکھنڈ کے دھرالی گاؤں میں تباہی مچائی تھی جس میں کئی افراد ہلاک اور متعدد لاپتہ ہو گئے تھے۔