سپین میں پاکستانی کمیونٹی کے مسائل کے حل کے لیے سوشلسٹ پارٹی کے رہنماؤں سے ملاقات

پاکستانی کمیونٹی کی ملاقات

بارسلونا (ارشد نذیر ساحل) کاتالونیا کے ضلع خرونا میں مقیم پاکستانی کمیونٹی نے سوشلسٹ پارٹی کے مارک لاوما (ممبر قومی اسمبلی اسپین، امور خارجہ کمیشن کے ممبر) اور خوان قوئر (مشیر ضلع کونسل خیرونا) سے ملاقات کی۔ اس اہم ملاقات کی میزبانی راجہ مشرف نے کی۔

یہ بھی پڑھیں: سال 2024 سے اب تک وزیراعظم کے غیر ملکی دوروں پر 70 کروڑ سے زائد خرچہ ہو چکا ہے، شیخ وقاص اکرم۔

خرونا میں پاکستانیوں کے مسائل

اس ملاقات کے دوران خرونا میں مقیم پاکستانیوں کے مسائل پر تفصیل سے بات چیت کی گئی۔ اس موقع پر انچارج ایشین سیکٹر سوشلسٹ پارٹی حافظ عبدالرزاق صادق نے ایونٹ کا اہتمام کیا جبکہ سوشلسٹ رہنما محمد اقبال چوہدری نے خصوصی طور پر شرکت کی اور مسائل کی جانب توجہ دلائی۔

یہ بھی پڑھیں: وزیراعظم کی نادہندگان سمیت تمام صنعتوں کی پیداوار ڈیجیٹائز کرکے ٹیکس نیٹ میں لانے کی ہدایت

مسائل کے حل کی ضرورت

محمد اقبال چوہدری نے کہا کہ بلدیہ (اجنتو منت) آپ کے تمام معاملات کا پہلا گھر ہے، اور ان کے ساتھ رابطہ میں رہنے کے لیے پروگرامز میں شامل ہونا ضروری ہے۔ انہوں نے مزید کہا کہ جو بھی اسمبلی کا ممبر بنتا ہے، وہ پہلے بلدیاتی اداروں میں دس سے پندرہ سال گزار کر آتا ہے اور اسے تمام مسائل و ان کے حل کی مکمل جانکاری ہے۔ حل تب ہی ممکن ہے جب آپ اس ادارے کے ساتھ رابطے میں رہیں گے۔

یہ بھی پڑھیں: فنٹاسٹک فور کے مشہور اداکار جولیان میک موہن 56 سال کی عمر میں انتقال کرگئے

ایشین کمیونٹی کے مسائل

اس موقع پر ایشین کمیونٹی کے مقامی افراد نے اپنے مسائل کا تذکرہ کرتے ہوئے کہا کہ پاکستان اسلام آباد میں ہسپانوی سفارت خانہ میں مختلف کام کے سلسلے میں پیشگی وقت نہ ملنے اور بہت دیر انتظار کرنے کے علاوہ کورئیر سروس سے وابستہ مسائل کو بھی سامنے لایا گیا۔ مزید یہ کہ ہسپانوی حکومت سے، رخسترو سول اور مقامی اداروں کے ساتھ مختلف شکایات بھی بیان کی گئیں۔