نجم سیٹھی نے ایشیاء کپ کے معاملے پر محسن نقوی سے ملاقات کی اندرونی کہانی بیان کر دی

چیئرمین پی سی بی کے ساتھ مشاورت کی اندرونی کہانی

لاہور (ڈیلی پاکستان آن لائن) سینئر صحافی نجم سیٹھی نے چیئرمین پی سی بی محسن نقوی کے ساتھ ایشیاء کپ کے معاملے پر ہونے والی مشاورت کی اندرونی کہانی بیان کی ہے۔ انہوں نے بتایا کہ پاکستان ایشیا کپ کے بائیکاٹ کا فیصلہ کر چکا تھا جس سے نکلنا آسان نہیں تھا۔ اگر بائیکاٹ ہوتا تو نقصان ہونا تھا۔

یہ بھی پڑھیں: کوئٹہ: عید کی چھٹیوں میں سول ہسپتال کے غیر حاضر عملے کیخلاف کارروائی، 15 نرسیں نوکری سے فارغ

پاکستان کی قومی ٹیم کی خراب کارکردگی

نجی ٹی وی کے پروگرام میں گفتگو کرتے ہوئے نجم سیٹھی کا کہنا تھا کہ قومی ٹیم کی خراب کارکردگی کا بہت دکھ ہے۔ ایشیاء کپ کا یہ معاملہ ایسا تھا جس میں پاکستان کا بہت نقصان ہونے جا رہا تھا کیونکہ پی سی بی نے ایک موقف اختیار کر لیا تھا کہ ہم بائیکاٹ کرنے جا رہے ہیں، اگر آئی سی سی نے معافی نہ مانگی یا تحقیقات نہ کیں۔ اب فیصلہ ہو چکا تھا اور اس فیصلے سے نکلنا آسان نہیں تھا۔

یہ بھی پڑھیں: آپ کا آئندہ ہفتہ ستاروں کی روشنی میں کیسا گزرے گا؟

قانونی طور پر لڑنے کی ضرورت

انہوں نے کہا کہ میرا ہمیشہ یہ موقف رہا ہے کہ اپنا موقف دیں، قانونی طور پر لڑیں لیکن بین الاقوامی میدان نہیں چھوڑنا۔ جیسے ہم سیاستدانوں کو کہتے ہیں کہ الیکشن جیسے بھی ہوں میدان خالی نہیں چھوڑنا چاہیے۔ آپ لڑ کر اپنا موقف پیش کریں، خلا پیدا نہیں ہونا چاہیے۔

یہ بھی پڑھیں: سونے کی قیمت میں ہزاروں روپے اضافہ، فی تولہ کہاں پہنچ گئی؟جانیے

محسن نقوی کی حمایت اور پی سی بی کے مفادات

جب محسن نقوی نے مجھے یاد کیا تو میرے دوستوں نے کہا کہ آپ مت جائیں اور ان کی حمایت نہ کریں۔ تو میں وہاں محسن نقوی کو حمایت کرنے نہیں بلکہ پاکستان کرکٹ بورڈ کو حمایت کرنے گیا تھا۔ اگر کرکٹ بورڈ باہر ہو جاتا تو پاکستان کی کرکٹ کو بہت نقصان ہوتا۔ آئی سی سی نے اپ کے خلاف ایشین کرکٹ کونسل میں بھی لوگ کھڑے کر دینے تھے اور آپ فارغ ہو جاتے۔ اسی طریقے سے آئی سی سی آپ کو پینلٹی لگا دیتی، جس سے 16 ملین ڈالر جو ملنے ہیں وہ بھی نہیں ملتے۔

معاملہ اچھے سے نپٹا

اس کے بعد پی ایس ایل پر بھی پابندیاں لگ جاتی کہ غیر ملکی کھلاڑی کھیلنے نہیں آ سکتے۔ فیصلہ تو کر لیا تھا لیکن جذبات میں آ کر کیا گیا تھا۔ پھر اس معاملے میں تھوڑی بہت عزت کے ساتھ نکلنا تھا، لیکن معاملہ اچھے سے نپٹ گیا اور کرکٹ چل رہی ہے۔