صدر یو ایم ٹی ابراہیم حسن مراد نے سیلاب زدگان طلباء کیلئے خصوصی سہولت کا اعلان کر دیا

یو ایم ٹی کی جانب سے سیلاب زدگان طلباء کیلئے خصوصی سہولت

لاہور (ڈیلی پاکستان آن لائن) صدر یو ایم ٹی ابراہیم حسن مراد نے سیلاب زدگان طلباء کیلئے خصوصی سہولت کا اعلان کر دیا۔

یہ بھی پڑھیں: دھی رانی پروگرام کا تیسرا مرحلہ، ضلع بہاولپور میں 174 مستحق جوڑوں کی اجتماعی شادیوں کی تقریب

تفصیلات

صدر یو ایم ٹی نے سیلاب زدگان طلباء کے لئے خصوصی سہولت کا اعلان کرتے ہوئے کہا ہے کہ سیلاب زدگان طلباء کی فیسیں معاف اور مؤخر کردی جائیں گی۔ ابراہیم حسن مراد نے کہا ہے کہ یو ایم ٹی کے سکالرشپس نے معیاری تعلیم کو سب کے لئے قابلِ رسائی بنا دیا ہے، یو ایم ٹی کے 64 فیصد طلباء 30 سے زائد مختلف سکالرشپس سے مستفید ہو رہے ہیں۔ یو ایم ٹی اب تک طلباء کو خطیر رقم کے سکالرشپس فراہم کر چکی ہے۔ سکالرشپس کا مقصد میرٹ کی حوصلہ افزائی اور مستحق طلباء کی معاونت ہے۔

یہ بھی پڑھیں: نرگس فخری خفیہ شادی کے بعد شوہر کے ساتھ پہلی بار منظر عام پر آگئیں

خصوصی سکالرشپس

اقلیتوں، بلوچستان کے طلبہ، ریفیوجیز، شہدا کے بچوں اور یتیموں کے لئے خصوصی سکالرشپس فراہم کیے جا رہے ہیں۔ ابراہیم حسن مراد نے یہ بھی کہا کہ 76 فیصد طلباء کو 50 فیصد جبکہ 24 فیصد طلباء 100 فیصد تک سکالرشپس دی جا رہی ہیں۔ یو ایم ٹی اب تک 47 ہزار سے زائد طلباء کو سکالرشپس دے چکی ہے۔