بھارتی فلم گینگسٹر کے گانے ’یا علی‘ کے گلوکار زوبین گارگ سکوبا ڈائیونگ کرتے چل بسے

زوبین گارگ کا انتقال

سنگاپور (ڈیلی پاکستان آن لائن) بالی ووڈ کے معروف گلوکار زوبین گارگ سنگاپور میں سکوبا ڈائیونگ کرتے ہوئے چل بسے۔ بھارتی میڈیا کے مطابق 52 سالہ زوبین گارگ سنگاپور میں 'نارتھ ایسٹ انڈیا فیسٹیول' میں شرکت اور پرفارم کرنے کے لیے موجود تھے، جہاں انہیں 20 اور 21 ستمبر کو پرفارم کرنا تھا۔

یہ بھی پڑھیں: الیکشن ٹریبونل نے این اے 263پر انتخابی عذرداری کا فیصلہ سنا دیا

حادثے کی تفصیلات

زوبین گارگ کو سکوبا ڈائیونگ کرتے ہوئے سانس لینے میں مشکل پیش آئی۔ ریسکیو ٹیم نے انہیں فوری طور پر سمندر سے نکالا اور سی پی آر دینے کے بعد سنگاپور جنرل ہسپتال منتقل کیا، تاہم وہ جانبر نہ ہو سکے اور دوپہر ڈھائی بجے کے قریب دم توڑ گئے۔

فنی زندگی کا آغاز

گلوکار زوبین گارگ نے ہندی، بنگالی اور آسامی زبانوں میں گانے گائے اور بالی ووڈ میں شہرت کا آغاز فلم گینگسٹر کے مقبول گیت 'یا علی' سے کیا۔ انہوں نے فلم کرش 3 کے گانے 'دل تو ہی بتا' سمیت کئی سپر ہٹ گانے بھی گائے۔