پنجاب گرین ٹریکٹر پروگرام کی قرعہ اندازی، وزیراعلی کا خوش نصیب کاشتکار کو فون

قرعہ اندازی کا آغاز

لاہور (آئی این پی) وزیراعلیٰ پنجاب مریم نواز شریف نے پنجاب گرین ٹریکٹر پروگرام کے دوسرے مرحلے کی قرعہ اندازی کا آغاز کر دیا۔ پہلے ٹریکٹر کی قرعہ اندازی میں تحصیل اٹک کے راجہ رفعت عباس، دوسرے نزت پروین اور تیسرے میاں نصیر کے نام آئے۔ وزیراعلیٰ مریم نواز شریف نے کامیاب کاشتکاروں کو مبارکباد دی۔

یہ بھی پڑھیں: سٹاک مارکیٹ میں نئی تاریخ رقم، پہلی بار ایک لاکھ 21 ہزار پوائنٹس کی حد عبور

کامیاب کاشتکاروں کو مبارکباد

اس موقع پر وزیراعلیٰ نے کامیاب کاشتکار محمد عاشق کو ٹیلی فون کیا اور پنجابی کاشتکار سے مادری زبان میں پوچھا، "کیہ حال اے؟ تسی ٹریکٹر واسطے اپلائی کیتا سی، تہاڈا ناں نکل آیا اے، تہانوں مبارک باد واسطے فون کیتا اے۔" سیکرٹری زراعت نے سی ایم پنجاب گرین ٹریکٹر پروگرام فیز ٹو کے بارے میں بریفنگ دی کہ 7 ایکڑ یا اس سے زیادہ اراضی مالکان 75 سے 125 ہارس پاور تک ٹریکٹر حاصل کرسکیں گے۔ حکومت پنجاب ہائی پاور ٹریکٹرز کے لئے 10 لاکھ روپے سبسڈی فراہم کرے گی۔

یہ بھی پڑھیں: تارکین وطن کی ایک اور کشتی ڈوب گئے، 20 ہلاک

سبسڈی کی دستیابی

سی ایم پنجاب گرین ٹریکٹر سکیم فیز ٹو کے تحت 20 ہزار ٹریکٹرز پر سبسڈی دی جائے گی، جس میں ہائی پاور ٹریکٹر سکیم کے تحت 9500 ٹریکٹرز اور میڈیم پاور سکیم کے تحت 10 ہزار ٹریکٹرز فراہم کیے جائیں گے۔ واضح رہے کہ گرین ٹریکٹرز سکیم فیز ٹو کے لئے 7 لاکھ 34 ہزار کاشتکاروں نے درخواست دی، جن میں 2 لاکھ 82 ہزار کاشتکار قرعہ اندازی کے اہل قرار پائے اور 9500 کاشتکار کامیاب ہوئے۔

ٹریکٹر کی قسمیں اور درخواستیں

پروگرام میں 98 فیصد کاشتکاروں نے پاکستانی ساختہ ٹریکٹر اور 2 فیصد نے بڑے اور جدید امپورٹڈ ٹریکٹرز کے لئے درخواست دی۔ امپورٹڈ ٹریکٹر کی ڈیمانڈ آنے پر غیر ملکی ڈیلر کمپنیوں کے پنجاب میں ڈیلر اور بزنس آفس قائم ہو گئے۔ سی ایم پنجاب گرین ٹریکٹرز فیز ٹو میں میڈیم پاور ٹریکٹرز پر 50 سے 65 ہارس پاور پر 5 لاکھ روپے سبسڈی فراہم کی جائے گی۔